गोली हानी अमेरिकामा एक नेपाली युवकको हत्या !

एजेन्सी । अमेरिकामा बन्दुकधारीले गोली हानी एक नेपाली युवकको हत्या गरेको छ ।
अमेरिकाको टेक्सास राज्यको स्टोरमा काम गर्दै आएका ३५ वर्षीय मनिष पाण्डेको शनिबार राति बन्दुकधारीले आक्रमण गरी हत्या गरेका छन् ।

टेक्सासको ब्रोडवे ब्लुबर्ड नजिकको स्टोरमा कार्यरत पाण्डेलाई मध्यराती आएका दुई लुटेराले आक्रमण तथा लुटपाट गरी हत्या गरेको स्थानीय प्रशासनले पुष्टि गरेको छ ।

समय सकिएलगत्तै स्टोर बन्द गर्ने बेलामा आएका लुटेराले मास्क लगाएर स्टोरमा प्रवेश गरेका थिए ।

प्रहरीले लुटेरा समूहको खोजी कार्य जारी रहेको बताएको छ । उनी केही समयअगाडि नेपालबाट अमेरिका गएका थिए ।

दुई वर्षअगाडि टेक्सासमा नै समिरा शिवाकोटीको लुटेरा समूहले गोली हानी हत्या गरेका थिए ।