लकडाउनमा अति गरिबलाई विद्यार्थीहरु साहारा

न्यूज ब्यूरो, सिरहा । सरकारले गरेको दुई हप्ते लकडाउनका कारण दुई छाक खान नपाएका अति विपन्न परिवारलाई विद्यार्थीहरुले सहयोग गरेका छन् ।

लकडाउनमा कमाइ खाने बाटो नभएपछि एक छाक मात्र खान पाएका परिवारलाई विद्यार्थीहरुले सहयोगी हात बढाएका छन् ।

सिरहाको सुखिपुर नगरपालिकामा विधार्थीहरुको सहयोगमा गरीब विपन्न परिवारलाई राहत वितरण गरेका छ ।

विश्वमा माहामारीको रुपमा फैलिएको कोरोना भाईरसका कारण नेपाल सरकारले गरेको लक डाउनको समयमा दलित बस्ती तथा अतिविपन्न परिवारलाई छाक टार्न नसकेको वेला युवा विधार्थी नितेश कुमार यादव सहयोगी हात बढाएका छन् ।

सुखिपुर नगरपालिका वडा नं.८ का अति विपन्न परिबारलाई यादब सहितका बिधार्थीहरुको सहयोगमा ८ हजारको खाद्यान्न सामग्रीहरु ५ घर परिवारलाई वितरण गरेको छ ।

यता, नगरपालिकाले विभिन्न वडाहरुमा हातधुने सावुन र माक्स वितरण गरेका छ । तर, गरिब परिवारलाई छाक टार्न समस्या भएको बेला बिधार्थीहरुले राहत स्वरुप खाद्यान्न बाडेपछि दलित परिवार खुशी भए ।

दलित परिवार नगरपालिकामा खाद्यान्न सामग्री उपलब्ध गराई दिनको लागी आग्रह गरे पनि कुनै वास्ता नगरेको स्थानियहरुको कथन रहेको छ ।