कमला नगरपालिकाको सार्वजनिक ठाउँहरुमा साबुनपानी

न्यूज ब्यूरो, जनकपुरधाम । कोरोनाको महामारीलाई मध्यनजर गर्दै धनुषाको कमला नगरपालिकाको सार्वजनिक स्थलहरुमा हात धुने व्यवस्था मिलाएको छ ।

महामारीबाट बच्नको लागि कमला नगरपालिकाको सार्वजनिक स्थलहरुमा साबुनपानी, पानी सहितको बाल्टिन, ह्याण्डवासहरु राखिएको छ ।

नगरपालिकाको चोक चौराहा सहित विभिन्न वडाको विभिन्न ठाउँहरुमा हात धुनको लागि साबुन पानीको व्यवस्था गरिएको छ ।

जनचेतनाको अभावका कारण हात राम्ररी नधुनुको कारण पनि सँक्रमण हुन सक्ने सम्भावनालाई मध्यनजर गर्दै नगरभरि हात धुने साबुनपानीको व्यवस्था गरिएको नगर प्रमुख राम उदगार गोईतले जानकारी दिनुभयो ।

साबुन पानी राख्दै मेयर गोईतले आम नागरिकहरुमा घरमै बसेर साबुनपानीले मात्र हात धुन आग्रह पनि गर्नुभयो । बेला कुबेला बाहिर निस्कनुपर्दा चोक चोराहामा पनि साबुन पानीले नै हात धोएर घर जान आग्रह गर्नुभएको छ ।

उहाँले सबैलाई सरकारको आदेश पालना गर्न आग्रह गर्नुभएको छ ।