धनुषामा मोटरसाइकल दुर्घटनामा एकको मृत्यु

न्यूज ब्यूरो, धनुषा । धनुषामा मोटरसाइकल दुर्घटनामा परी एकजनाको ज्यान गएको छ ।

धनुषाको धनुषाधाम नगरपालिका-७ स्थित किसानपुर-नौसय सडकखण्डमा ज ७ प ५५३६ नम्बरको मोटरसाइकल अनियन्त्रित भई कल्भर्टमा ठोकिएको हो । दुर्घटनामा परी चालक रौतहटको कटहरिया नगरपालिका पल्टुवाका ३५ वर्षीय राजु शर्माको ज्यान गएको प्रहरीले जनाएको छ ।

मोटरसाइकल दुर्घटना भएपछि गम्भीर घाइते भएको उनको उपचारको लागि लाने क्रममा बाटोमै मृत्यु भएको ईलाका प्रहरी कार्यालय धनुषाधामले जनाएको छ । मृतक शर्मा धनुषाधामस्थित एक फनिर्चरमा विगत २ वर्षदेखि काम गर्दै आएका थिए ।