'दाइजो लिएर विहे गर्नु पुरुषार्थ होइन, त्यसैले आदर्श विवाह रोजे'

न्यूज ब्यूरो, जनकपुरधाम । मधेशमा दाइजोको कारण दिनदिनै हिँसात्मक घटना सार्वजनिक हुँदै आएको छ ।

दाइजोकै कारण कयौं महिलाले श्रीमान्, सासु र ससुराबाटै ज्यान गुमाउनु परेको छ । तर, मधेशमा विकराल रहेको दाइजो प्रथालाई तामाचा दिँदै एक जोडीले आदर्श विवाह रचाएका छन् ।

सिरहा लहानका समाजसेवी सत्यनारायण पंजियारका सुपुत्र रमेन्द्र पंजियार र धनुषाको धनुषाधाम ९ धारापानीका मदन महासेठकी सुपुत्री आरती महासेठ वैवाहिक बन्धनमा बाँधिएका हुन् ।

बिबिएस गरेका रमेन्द्र (विवेक) र बिबिएस पढ्दै गरेकी आरतीबीच फागुन २५ गते दाइजोरहित विवाह भएको हो ।

दहेज प्रथालाई परास्त गर्न प्रयास स्वरुप आफूले आफ्नो छोराको आदर्श विवाह गरेको पंजियारले बताए ।

दाइजो प्रथा विकृति र अपराध रहेको भन्दै यसलाई हटाउन सबैले साहस गर्नुपर्ने पनि उनले बताए ।