दहेज परास्तको प्रयास : सिरहामा भयो आदर्श विवाह

न्यूज ब्यूरो, सिरहा । समाजमा रहेको व्याप्त दाइजो प्रथाका कारणले धेरैलाई विवाह अहिले महँगो हुन थालेको छ । तर, विकृतिको रुपमा विकराल रुप लिँदै गएको दाइजो प्रथालाई तामाचा दिँदै सिरहामा एक जोडीले आदर्श विवाह गरेका छन् ।

समाजिक क्षेत्रमा काम गर्दै आएको समाजिक संस्था अपन मिथिला सेवा समाजको पहलमा सिरहाको सिरहा नगरपालिका ९ महिसोथाका विन्देश्वर दासका छोरा भोगेन्द्र दासले आदर्श विवाह गरेका हुन् । उनी सोमबार धनुषाको कमला नगरपािलका ६ सिंग्याही मडानका हरिदेव दासकी छोरी रविता दाससँग आदर्श विवाह गर्दै वैवाहिक जीवनमा प्रवेश गरेका छन् ।

दास परिवारले आदर्श विवाह गरेर दहेज प्रथा परास्तको लागि प्रयास गरेका छन् । दाइजो लिनु पाप हो भन्ने मान्यतालाई आत्मसात गर्दै आदर्श विवाह गरेको उनले प्रतिक्रिया दिए । मधेशमा पछिल्लो पटक दाइजोे रहित अर्थात् आदर्श विवाह बढ्दै गएको छ ।