मिथिला परिक्रमालाई एकताको राहत

न्युज ब्युरो,जनकपुरधाम । मधेशको महाकुम्भ मानिने नेपालकै सब भन्दा लामो पदयात्रा परिक्रमाको तिर्थालुलाई एकता युवा कल्बले राहत वितरण गरेको छ ।

तीर्थालूहरुलाई धनुषाको इच्छापुरमै राहत वितरण गरेको हो । क्षीरेश्वरनाथ नगरपालिका ८ स्थित रहेको एकता युवा कल्बको अध्यक्ष लक्ष्मण महतोको बिशेष अगुवाईमा च्युरा , दालमोठ,सर्वत खुवाएको हो। सेवा नै धर्म हो भन्दै युवाहरु करिब २००० हजार तिर्थालु लाई राहत बाँडिएको हो ।

समाजसेवी सरद पोख्रेल बिशेष सहयोग गरि युवाहरु संग हौसाला बदाई राहत बाँड्नमा सहभागी भएका थिए। स्थानीय युवाहरु आफ्नो आफ्नो खाजा खर्च बाट जम्मा गरि राहत बाँडेका हुन् ।