सिरहाको लहानलाई स्वच्छ बनाउन सरसफाई अभियान

न्यूज ब्यूरो, सिरहा । सिरहाको प्रमुख व्यापारिक सहर लहानमा सरसफाई अभियान थालिएको छ ।

लहानलाई सुन्दर र स्वच्छ बनाउने उद्देश्यले मंगलबारदेखि सफाई अभियान शुभारम्भ गरिएको हो । ईलाका प्रहरी कार्यालय लहान र कामना नर्सिङ होम लहानको संयुक्त सहकार्यमा सरसफाई अभियान चलाइएको छ ।

अभियान अन्तर्गत पहिलो साता (आज) पूर्वपश्चिम राजमार्ग अन्तर्गत लहान सहिद चोक वरिपरिका पार्कहरुमा सरसफाई गरिएको छ । सरसफाईको दृष्टिकोणले लहानलाई नमुना सहर बनाउने उद्देश्यले अभियान थालेको कामना नर्सिङ होमका सञ्चालक रोशन कुशवाहाले जानकारी दिए ।

सरसफाई कार्यलाई निरन्तरता दिनेसमेत उनले जनाए । ईलाका प्रहरी कार्यालय लहानका प्रहरी निरीक्षक सुमित कुशवाहाले सरसफाई अभियानले लहानलाई एउटा स्वच्छ सहरको रुपमा परिणत गर्ने विश्वास लिए । उनले सहभागी स्थानीय नागरिक समाज, व्यापारी लगायत सबैको प्रशंसासमेत गरे ।