जनकपुरमा सरकार-अख्तियार विरुद्ध ओर्ले नेविसंघ र तरुण दल

न्यूज ब्यूरो, जनकपुरधाम । वतमान सरकार र अख्तियार दुरुपयोग अनुसन्धान आयोग विरुद्ध तरुण दल धनुषा र नेपाल विद्यार्थी संघले प्रदर्शन गरेको छ ।

बालुवाटारका मुख्य दोषीलाई बचाएको भन्दै वर्तमान नेकपाको सरकार अख्तियार दुरुपयोग अनुसन्धान आयोग विरुद्ध प्रदर्शन गरेको हो । जनकपुरको विभिन्न भागमा रयाली तथा प्रदर्शन गर्दै अख्तियार र सरकार विरुद्ध जमेर नारा लगाएका छन् ।

बालुवाटार (ललिता निवास) जग्गा प्रकरणका मुख्य दोषी माधवकुमार नेपाल, विष्णु पौडेल तथा तत्कालीन मुख्य सचिव लीलामणि पौडेललाई बचाएर विजयकुमार गच्छदारलाई मात्रै भ्रष्टाचारको मुद्धा लगाएर हेपेको भन्दै सरकार र अख्तियार विरुद्ध नेविसंघका साथै तरुण दलले नारावाजी गरेको छ ।

“बालुवाटारको जग्गा प्रकरणका सबै दोषीहरूलाई कारबाही गर। राजनीतिक पूर्वाग्रही भएर कांग्रेसका उपसभापति गच्छदारविरुद्ध को मुद्धा फिर्ता गर।” मूल नारा सहित तरुण दल धनुषा र नेपाल विद्यार्थी संघ धनुषाले सरकार विरुद्ध प्रदर्शन गरेको हो ।

नेपाल तरुण दल धनुषाका अध्यक्ष संजय लाभ कर्णको अध्यक्षतामा नेविसंघ , तरुण दल, महिला संघको सँयुक्त आयोजनामा उनीहरुले प्रदर्शन गरेको हो । राजनीतिक प्रतिशोधका कारण नेकपाका नेताहरुलाई जोगाएर नेपाली काँग्रेस भएकै कारण उनलाई फँसाईएको भन्दै चर्को नारावाजी गरेका हुन् ।

ललिता निवास जग्गा प्रकरणमा नेता गच्छेदारलाई ९ करोड बढीको विगो माग गरिएको छ । यता, गच्छेदारलाई थारु भएर पनि फँसाएर विभेद गरिएको आवाज उठाइएको छ । नेपाली कांग्रेस धनुषा का नेता बिशेश्वर यादव, कन्हैया कर्ण, धिरेन्द्र मोहन झा, नरेश यादव, शत्रुधन श्रेष्ठ , महिला संघकी तुलसा गिरि, अनिता श्रीवास्तव, नेविसंघका पूर्व केन्द्रिय सदस्य सन्जिव यादव, हाशिम नदाफ, जगदीश चौधरी लगायतले जुलुस घन्काएका थिए ।

जुलुसमा तरुण दल धनुषाका उपाध्यक्ष राकेश बिक्रम साह, कपलेसर महतो, सचीव श्याम सुन्दर साह, रुपेश ठाकुर, सुभाष झा, बिनय राय, जगदीश नायक, रामएकवाल यादव, राहुल मिश्रा, अजय गुप्ता , महेस साह, सुभाष पाठक, जितेन्द्र साह, जितेन्द्र कर्ण, बलराम गुप्ता , बलराम साह, रुपक श्रेष्ठ, सर्वजित यादव, सुरेन्द्र साह, नेविसंघ धनुषाका नेता पुष्पेन्द्र गोइत यादव, उदित मिश्रा,सुजित यादव, राजेश कर्ण, मनिष यादव, फिरोज खान लगायतको सहभागीता रहेको थियो।