सिरहामा म्याजिकको ठक्करबाट पैदलयात्रीको घटनास्थलमै मृत्यु

न्यूज ब्यूरो, सिरहा । सिरहाको गोलबजारमा म्याजिकको ठक्करबाट एक पैदल यात्रीको घटनास्थलमै मृत्यु भएको छ ।

पूर्वपश्चिम राजमार्ग अन्तर्गत गोलबजार नगरपालिका ४ स्थित गुरुधाम चोकमा ना. १ ज. ८०८८ नम्बरको म्याजिकको ठक्करबाट पैदल यात्रीको ज्यान गएको हो । मृतकको पहिचान भने खुल्न बाँकी रहेको गोलबजार प्रहरीले जनाएको छ ।

पश्चिमबाट पूर्वतर्फ गइरहेको म्याजिकले पैदल हिडिरहेका अन्दाजी ५५ वर्षका पुरुषलाई ठक्कर दिएको गोलबाजरका प्रहरी निरीक्षक जनक पुरीले जानकारी दिए । ठक्करबाट घटनास्थलमै दम तोडेका मृतकलाई पोष्टमार्टमको लागि लहानस्थित रामकुमार सारडा उमाप्रसाद मुरारका अस्पताल लहान पठाइएको छ ।

यता, ठक्कर दिने म्याजिक र चालक नियन्त्रणमा रहेको गोलबजार प्रहरीले जनाएको छ ।