जनकपुरमा कुष्ठरोगीहरुलाई तरुण दलको न्यानो

न्यूज ब्यूरो, जनकपुरधाम । शितलहर सुरु भएलगत्तै जनकपुरमा अति विपन्न एवम् सडक पेटीमा बसोवास गर्नेहरुको लागि समय काट्न कठिनाई भएको छ ।

सोही अवस्थालाई मध्यनजर गर्दै नेपाली काँग्रेस निकट नेपाल तरुण दल धनुषाले कुष्टरोगी पीडितका लागि न्यानो कपडा सहित कम्बल वितरण गरेको छ । मंगलबार जनकपुर उपमहानगरपालिका –७ स्थित कोठिया टोल जमिरिया देवी वृद्ध आश्रमका ५१ जना कुष्टरोग पीडितहरुलाई न्यानो कपडा तथा कम्वल वितरण गरेका छन् ।

नेपाल तरुण दलका धनुषा उपाध्यक्ष राकेश बिक्रम साहको अगुवाइमा जनकपुरधाम – ६ गिरनारी कुट्टि नजिकै संचालित रहेका कपडा भण्डारको समन्वयमा न्यानो कपडा र ओढ्ने कम्बल वितरण गरिएको हो । उनले मानवताका लागि सबैले सक्दो सहयोग गर्नुपर्ने बताए।

‘यो चिसो मौसममा सानो सहयोगले कसैको भलो हुन्छ भने सबैले आ(आफ्ना ठाउँबाट यसमा लाग्नुपर्छ। सहयोगले नै मानवता देखाउछ’ सहयोग पाएपछि आश्रमका रोग पीडितहरु जाडोमा न्यानो कपडा पाउँदा खुशी लागेको बताउनुभयो ।

कम्वल वितरण कार्यक्रममा नेपाली कांग्रेसका केन्द्रिय सदस्य रहेका पूर्व खानेपानी मन्त्री महेन्द्र यादव, नेपाली कांग्रेस प्रदेश नं. २ संसदीय दल का नेता रामसरोज यादवले आश्रममा बस्दै आएका ५१ जनालाई न्यानो कपडा हस्तान्तरण गर्नुभएको हो ।

कपडा वितरण कार्यक्रममा नेपाली कांग्रेस धनुषाका उपसभापति संतोष कुमार यादव, नेपाली कांग्रेसका नेता जिबनाथ चौधरी, वडा नं. ५ का अध्यक्ष मनोज साह, वडा नं. ७ का अध्यक्ष जानकीराम साह, नेपाली कांग्रेसकी नेतृ रिंकु साह, जनकपुर युथ क्लबका अध्यक्ष रोहित ठाकुर, पुर्व अध्यक्ष चन्दन राय, नेपाली कांग्रेसका युवा नेता मनिष रमन साह, बिक्रम यादव, राहुल मिश्रा, पंकज महतो रहेका थिए ।

कपडा वितरण कार्यक्रममा कुबेर सहकारीका प्रबन्धक सन्जिब कुमार साह, कैलास राउत, अजय गुप्ता, दिपक कुमार साह, महेस साह, रुद्र नरायण साह, अमन सिंह, हिमान्सु भुवानीया, माजिद हुसेनलगायत तरुण दल धनुषाका दर्जनौं युवा नेताहरुको उपस्थिति रहेको थियो ।

न्यानो कपडा र कम्वल गणपति ज्वेलर्सका प्रोपाइटर राजिव कुमार साह चन्दन र कपडा भण्डारको सहयोगमा नेपाल तरुण दल धनुषाले आयोजना गरेका थिए ।