स्थानियदेखी संघिय सरकार सम्म पहल गर्छौ : मेयर पासवान

न्यूज ब्यूरो, सिरहा । सिरहाको कर्जन्हा नगरपालिकाका मेयर गँगा पासवानले कमला बचाउ अभियानलाई सघाउन स्थानीयदेखि संघीय सरकारसम्म जाने बताउनुभएको छ ।

कमला बचाउ अभियान सप्ताहिक कार्यक्रम अन्तर्गत आज (शनिबार) सिरहाको कर्जनहा नगरपालिका वडा न ७ मरेवा घाटमा भएको जागरण कार्यक्रममा मेयर पासवानले सो कुरा बताउनुभएको छ । कमला बचाउ अभियानको एक वर्ष पूरा भई कमला नदी बचाउको लागि निरन्तर प्रयासमा रहेका अभियानीहरुलाई अभियानलाई निरन्तरता दिन आग्रह समेत गर्नुभयो ।

कमला बचाउ अभियानको साप्ताहिक जागरण कार्यक्रमको विशिष्टि अतिथिको आसनबाट बोल्नुहुँदै मेयर पासवानले कमला बचाउ अभियान पनि कमला नदी जस्तै ईतिहास रच्ने दाबी गर्नुभयो । उहाँले भन्नुभयो, –“कमला नदीको आफ्ना् ईतिहास छ र कमला बचाउको लागि बिडा उठाएका स्थानीय सरकारका अगुवा, अभियानीहरुले पनि आफ्नो छापको इतिहास बनाउने छ । अभियानमा प्रत्येक नागरिकलाई घरघरबाट जागरुक हुनु पर्ने आवश्यकता रहेको छ ।” साथै स्थानीय , प्रदेश , संघिय सरकार समेतलाई ध्यानाकर्षण गराउन आव्श्यकता रहेको औल्याउनुभयो ।

कर्जनहा नगरपालिका वडा नं. ७ का वडा अध्यक्ष जय किशोर साहको अध्यक्षता एवं सहिद नगरपालिका मेयर उदय बरबरिया यादवको प्रमुख अतिथिमा सम्पन्न भएको साप्ताहिक कार्यक्रमको दौरान मेयर बरबरियाले कमला बचाउको अभियानले तीव्रता पाएसँगै अभियान अब कोषे ढुँगा साबित हुने बताउनुभयो । कमला बचाउ अभियानमा अगुवाको भूमिका निर्वाह गर्दै आउनुभएका मुलुकै कान्छो मेयर बरबरियाले पौराणिक अस्तित्वको रक्षा आफ्नो धर्म रहेको औल्याउनुभयो ।

यसअघिदेखि नै कमला छेउका स्थानीय सरकार सहित प्रदेश सरकार सहित संघीय सरकारसम्म कमला नदीको अस्तित्व संरक्षणको लागि पहल गरेका मेयर बरबरियाले अभियानलाई मिशनको रुपमा निरन्तरता दिनुभएको हो । उहाँले जाडो, शितलहर, घाम, पानी जस्तो सुकै अवस्थामा अभियानलाई निरन्तरता दिने बताउनुभयो ।

जागरण कार्यक्रममा कमला बचाउ अभियानका सँयोजक अगुवा एवम् अभियानी बिक्रम यादव अभियानको बारे प्रकाश पार्नुभएको थियो । उदयपुर सिमेन्ट फ्याक्ट्रीका सँचालक समिति सदस्य सँचालक महेशलाल यादवले कमला बचाउ अभियानलाई सराहना गर्दै अभियानमा जुटन सबैलाई आग्रह समेत गर्नुभयो । वडाध्यक्ष साहले भने अभियान मार्फत धार्मिक तथा पर्यावरण जोगाउ गर्ने कामहरु छिटै पहल गरि शुरुवात गर्ने प्रतिबद्धता जाहेर गर्नुभयो ।

कार्यक्रममा गणेशमान चारनाथ नगरपालिका वडा नं. ८ का वडाध्यक्ष गनेश कुमार सिहं (रितेश) कमला बचाउ अभियानि बिनोद महरा लगायत अभियानी स्थानिय बुद्धिजीवीको उपस्थिति रहेको थियो ।