अग्नी पीडितलाई नगरपालिकाको सहयोग

न्यूज ब्यूरो, धनुषा । गएराती धनुषाको नौसयविघामा भएको आगलागीमा घर तथा सरसमान जलेर नष्ट भएपछि नगरपालिकाले सहयोग गरेको छ ।

बुधबार राती करिब १० बजेतर्फ भएको आगलगीमा परी घर सहित ४ वटा बाख्रा समेत जलेर नष्ट भएपछि धनुषाधाम नगरपालिका वडा नं. ५ का वडाध्यक्ष ईन्दल कुमार महतोको पहलमा नगरपालिकाबाट सहयोग गरिएको हो । नगरपालिकाको बिपद व्यवस्थापन कोषबाट घरधनीलाई ओछ्यान , भाडा वर्तन , मरमशाला लगायत घरमा चाहिने समपुर्ण सामग्री सहयोग गरेको हो।

सामग्री बितरण गर्न नगर उप प्रमुख बिद्या देवि भुजेलको अगुवाईमा आगो पीडित स्थानीय राम नारायण महरालाई सहयोग गरिएको छ । महराले आफ्नै गोठघरमा लगाएको घुँराबाट आगो सल्केर आगलगी भएको प्रहरीले जनाएको छ । समयमै प्रहरीले आगो नियन्त्रण गर्न नगरको बरुणयन्त्र बोलाएर नियन्त्रणमा लिएको थियो । स्थानीय बासिन्दा र नेपाल प्रहरीले आ–आफ्नो ठाउबाट सहयोग गरि आगो नियन्त्रणमा लिएको उमाप्रेमपुर प्रहरी चौकी इन्चार्ज गोपाल श्रेष्ठले जानकारी दिनुभएको छ ।

गत सातादेखि नै तराई मधेशको विभिन्न जिल्लामा शितलहर सुरु भएको छ । चिसो बढेसँगै सर्वसाधारणले आफ्नो गोठ घरमा अनिवार्य रुपमा घुँर ९दाउरा बालेर आगो ताप्ने० लगाउने गरिन्छ । असावधानीका कारण आगलगी भएको जनाइएको छ । आगलगीबाट मानवीय क्षति नभएको जनाउँदै प्रहरीले करिब ३ लाख मूल्य बराबरको क्षति भएको जनाइएको छ ।

धनुषा : आगलगी हुँदा ४ बाख्रा पनि जलेर ध्वस्त !

गरिबीको चपेटामा रहेका महरा परिवारमा एक महिने सुत्केरी समेत रहेकोले उनलाई थप पीडा भएको स्थानीयवासीहरु बताउँछन् । घर जलेर नष्ट हुनुका साथै आम्दानीको स्रोतको रुपमा रहेको बाख्रा पनि जलेर नष्ट भएपछि थप विजोग भएको छ ।

उनको अवस्थालाई हेर्दै वडाध्यक्ष महतोले तत्कालै बरुण यन्त्र बोलाई आगो नियन्त्रण गराएका थिए । उनले भने, “बिपद अवास्थामा हामी तत्पर तयार रहनेछौ आफूबाट हुने सहयोगको लागि तयार रहेका छौ र वडावासीलाई सचेत भैइ साबधानी पुर्वक शितलहरमा बस्न आग्रह न्यूज ब्यूरो मार्फत गर्न चाहन्छु ।”

पीडित परिवारले दुःखद घडिमा नगरपालिकाले सहयोग गरेको भन्दै जनप्रतिनीधिलाई धन्यवाद ज्ञापन गरे । वडा सचिव मकेशवर यादव , उमाप्रेमपुर प्रहरी चौकी इन्चार्ज गोपाल श्रेष्ठ , समाजसेवी देबनारयाण दाहा, मो ,समसुल राईन लगायत स्थानीयको रोहबरमा सामग्री बितरण गरिएको छ ।