अपन मिथिला सेवा समाजद्धारा ३० महिलालाई सिलाई मेसिन

न्यूज ब्यूरो, सर्लाही । समाजिक संस्था अपन मिथिला सेवा समाजले सर्लाहीमा सिलाई मेसिन वितरण गरेको छ ।

समाजले सर्लाहीको ब्रम्हपुरी गाउँपालिका ६ मा झण्डै तीसजना महिलाहरुलाई मेसिन बाँडेको हो । सो वडाका वडाध्यक्ष श्यामबाबु रायको उपस्थितिमा मेसिन हस्तान्तरण गरिएको समाजका केन्द्रीय अध्यक्ष मंसाराम यादवले जानकारी दिए ।

सोही संस्थाकै आयोजनामा भएको सिलाई कटाई सम्बन्धि तालिमबाट प्रशिक्षण लिएकी महिलाहरुलाई साईकल वितरण गरिएको हो । वितरण गरिएको मेसिन कुनै अनुदानबाट नभई संस्थाको निजी लगानीमा खरिद गरिएको संस्थाले जनाएको छ । मेसिनले महिलाहरुलाई स्वाबलम्बी बनाउन मद्दत गर्ने विश्वास लिइएको छ ।

संस्थाको यो कार्यलाई स्थानीयहरुले सराहनासमेत गरे । समाजिक क्षेत्रमा काम गर्दै आएको यस संस्थाले समाजिक रुपान्तरणको प्रयाससहित गरिब, विपन्न एवं एकल परिवारलाई आर्थिक तथा भौतिक सहयोग गर्दै आएको छ ।