आईतबार (भोली) सबै सँस्थागत विद्यालयहरु बन्दको घोषणा

न्यूज ब्यूरो, जनकपुरधाम । मँसिर २९ गते आईतबार धनुषा जिल्लाको सम्पूर्ण सँस्थागत विद्यालयहरु बन्द हुने घोषणा गरिएको छ ।

शुक्रबार राती भएको आत्मघाती बम विस्फोटमा परी धनुषाको महेन्द्रनगर बस्ने एक विद्यार्थीको अकालमै मृत्यू भएपछि एक दिने विद्यालय बन्दको आव्हान गरिएको छ । धनुषा जिल्लाभरि रहेका सँस्थागत (नीजि विद्यालय मात्र) बन्दको घोषणा गरिएको हो ।

जनकपुरस्थित सिद्धार्थ शिशु सदन स्कूलमा कक्षा १० मा अध्ययनरत आनन्द साह नामक विद्यार्थीको सो बम बम विस्फोटमा परी ज्यान गएपछि सँस्थागत विद्यालय संरक्षण समितिले श्रद्धाञ्जली र शोक स्वरुप एक दिनको लागि जिल्लाभरिका सँस्थागत विद्यालयहरु बन्द गर्न आव्हान गरिएको छ । साहको शुक्रबार राती १२ बजेर १० मिनेटमा उनकै घरमा अज्ञात व्यक्तिले राखेको बम विस्फोट हुँदा उनको बुवा राजेश्वर साहसँगै उनको पनि मृत्यू भएको हो ।

नीजि विद्यालय संरक्षण समितिका धनुषा अध्यक्ष चन्द्रनारायण मण्डलले एक प्रेस विज्ञप्ति जारी गर्दै आईतबार जिल्लाभरिको विद्यालय बन्दको लागि आव्हान गरेको हो । उक्त बम विस्फोटमा परी आन्दन र उनका वुवा सहित ईलाका प्रहरी कार्यालय महेन्द्रनगरका प्रहरी नीरिक्षक अमिर कुमार दाहालको मृत्यू भएको छ भने उनका बहिनी र एक अर्का भाई पनि घाईते भएका हुन् ।

सो घटनामा सँलग्नताको शंकाको आधारमा ३ जनालाई धनुषा प्रहरीले नियन्त्रणमा लिएर अनुसन्धान तीव्र पारेको छ ।