कमला नदी पीडितसँग कमला अभियानी, अहिले पनि कमलाको त्रास

न्यूज ब्यूरो, जनकपुरधाम । कमला बचाउ अभियानको साप्ताहिक जागरण तथा वृक्षारोपण कार्यक्रम अन्तर्गत शनिबार धनुषाको सीमाक्षेत्रमा कार्यक्रम गरिएको छ ।

धनुषाको पूर्वी दक्षिण भारतीय सीमासँगै रहेको इनर्वा घाटमा कमला बचाउ अभियानको साप्ताहिक जागरण कार्यक्रम गरिएको हो । गत अन्तिम असारमा आएको कमला नदीको भिषण बाढीका कारण विस्थापित भएका स्थानीयहरुसँग अभियानीहरुले छलफल गरेका छन् । कमला बचाउ अभियानका सँयोजक विक्रम यादवको अगुवाई गरिएको सो कार्यक्रममा सहभागी स्थानीयहरुले अहिले पनि कमला नदीको त्रास कायमै रहेको बताएका थिए ।

नेपाल भारतको सीमामा पर्ने धनुषाको इनरवा गाउँ कमला नदीको पश्चिमपट्टि धनुषा तर्फमा परेको कमला बाध भारत छेउबाट इनर्वा गाउँमा बाँध नपरेकै कारण अहिले पनि स्थानीयहरु पीडा भोग्न बाध्य भएको बताइएको छ । बर्षाको समयमा त्यहाँको जनता डर त्रास जीवन यापन गर्नु परेको जनगुनासो अभिायनको क्रममा गरिएको हो ।

कमला बचाउ अभियानमा सहभागी भएका जनकनन्दीनी गाउँपालिका वडा नं. १ इनरवाका वडाध्यक्ष धमेन्द्र यादवले कमला नदीमा आएको बाढीपछि उक्त गाउँको करिव ७२ घर परिवार कारण विस्थापित हुनुपरेको बताए । विस्थापित हुने करिव सवै घरपरिवार दलित समुदायको रहेको बताएका छन् । नेपाल र भारत दुवै सरकारसँग बाधँको लागि पहल गरि दिन अभियानीसँग आग्रह पीडितहरुले गरे ।

कमलाको सतह माथि उठेकोले बस्तीहरू डुवानमा परेको कमला बचाउ अभियानका संयोजक यादवले बताए । कमलाको धार्मिक र पौराणिक इतिहास रहेकोले कमला बचाउमा सवै लाग्नु पर्ने जीकिर गरे । कार्यक्रममा कमला बचाउ अभियानमा जनक नन्दनी गाउपालिकाको पुर्ण सहयोग रहने गाउँपालिका अध्यक्ष अब्दुल बारिक शेखले बताए ।

उनले आउँदो आर्थिक वर्षमा गापाको निती तथा कार्यक्रममा कमला बचाउ अभियानको कार्यक्रम राखिने बताए । कमला बचाउ अभियान अन्तरगत जनक नन्नदनी गापामा पर्ने कमला बाधमा बाँस, वेत, सोहिजन र केलाको वोट लगाउने र त्यसको जिम्मा गापा र स्थानीय समुदायले लिने गरि व्यवस्थापन गरिने गापाको उपाध्यक्ष भारती कार्कीले बताइन । व्यक्ति लाई पनि फाइदा हुने तथा कमलाको पनि संरक्षण हुने उपाध्यक्ष कार्कीले घोषणा गरिन ।

यसका साकमलामा बगर खेती गर्नुको साथै बृक्षारोपन गरि कमलाको बचाउ सकिने कृषि ज्ञान केन्द्रको प्रमुख शंकर प्रसाद साहले बताए । उनले भने, “राजनीतिक भन्दा माथि उठेर कमला बचाउ अभियान लाई सवै सहयोग गर्नु पर्ने आवश्यकता छ ।” मलाह जात अर्थात सहनी समुदायको मुख्य देउताको रूपमा कमला माता पुजा गर्ने गरेको खजुरी मा.वि. का प्र.अ. हरिलाल सहनीले औल्याए ।

सो कार्यक्रमको क्रममा कमला बचाउ अभियानलाई दिगोपन दिन तथा सवैलाइ विश्वासमा लिइ अगाडि बढनु पर्ने स्थानीय युवा पुष्पेन्दर यादवले बताए । कार्यक्रममा कमला बचाउ अभियानी राजकिशोर सहलैता, विरेन्दर यादव, सुरेन्दर यादव , श्याम सिंह, रूपेश विराजी, पत्रकार नरेश बरबरिया यादव, किशोर मण्डल लगायत स्थानीय नागरिक समाज, महिला दिदी बहिन र बुद्विजीवीको उपस्थित रहेको थियो । मानवअधिकार कर्मी एवं कमला कचाउ अभियानको सचिव अभियानी विनोद महराले कार्यक्रम को संचालन गरेका थिए ।