पिँग खेलिरहेको बालकको रहस्यमय मृत्यू, बुवा बेलाबेलामा बेहोस् !

न्यूज ब्यूरो, रौतहट । रौतहटमा पिङ खेलिरहेका एक बालकको ज्यान गएको छ । गौर नगरपालिका वडा नं. ३ मचकुटिया निवासी पनिलाल सहनीको छोरा ११ बर्षिय रोहित सहनी आफैले बनाएको झुलुवा (पिङ) खेलीरहेको अवस्थामा डोरिले घाँटी बेरिदा मृत्यु भएको छ ।

साथी सङ पिङ खेलिरहेको सहनीको एक्कासि घाटीमा डोरि बेरिदा गम्भीर घाइते भएका थिए । घाइते सहनीलाई परिवारजनले नजिकैको सिटि होस्पिटेलमा ल्यादा ल्यादै बाटोमै मृत्यु भएको मृत्तकका सानुबुवा ललन सहनीले बताए । छठ पर्वको अगाडि जेठो छोराको मृत्यु भएपछि दुई छोराका बुवा पनिलाल सहनि अचेत भएका छन ।

मृत्क बालकको घाँटीमा डोरिले बेरिएको डाम छ । मृतकको शब अहिले सिटि होस्पिट्लमा रहेको कानुनी प्रक्रिया पुर्याएर शब जिम्मा लगाउने तयारी भइरहेको रौतहटको प्रहरीले जनाएको छ । यता, बालकको घाँटीमा निल डाम देखिएपछि उनलाई आफैं डोरी बेरिएको वा कसैले बेरेर हत्या गरेको भनेर यकिन गर्न सकिएको छैन । यस घटना उपर जिल्ला प्रहरी कार्यालय रौतहटले गहन अनुसन्धान सुरु गरेको छ ।