धनुषामा सीमान्तकृत सशक्तिकरण कार्यक्रम

जनकपुरधाम, २० पुस ।
धनुषाको विभिन्न स्थानीय तहमा रहेको सीमान्तकृत समुदायको उत्थान तथा विकासको लागि सशक्तिकरण कार्यक्रम सँचालन गरिएको छ ।

समग्र बिकास सेवा केन्द्र धनुषा द्वारा संचालित "शान्ती स्थापना तथा प्रजातान्त्रिक बिकासका लागि सीमान्तकृत मानिसहरुको सशक्तिकरण कार्यक्रम" धनुषामा जनकपुर उपमहानगरपालिकाको वडा नं. १, ९, १४ र १९, धनुषाधाम नगरपालिकाको वडा नं. १, २, ३ र ४ तथा गणेशमान चारनाथ नगरपालिकाको वडा नं. १,२,३,४,५ र ७ मा सँचालन भएको हो ।

सीमान्तकृत समुदायमा सशक्तिकरण र सँस्थागत क्षमता बृद्धि गरी जीवनस्तरमा सुधार ल्याउनु यस कार्यक्रमको उदेश्य रहेको कार्यक्रम सँयोजक सँतोष कुमार सिँहले जनाए ।
सिँहका अनुसार, दिगो शान्ति र प्रजातान्त्रिक शासन व्यवस्था बारे जागरुक बनाउने मुख्य उदेश्यका साथ कार्यक्रम सँचालन गरिएको जनाइएको छ ।

स्थानीय तह विकास कोषमा विपन्न समुहका पहुँच पुरयाउन, सरोकारका विषय तथा सबै क्षेत्रका अधिकार सम्बोधन गरी सहयोग गर्ने उदेश्यबाट गभर्नेन्सस फयासिलिटी र समग्र विकास सेवा केन्द्रको सँयुक्त साझेदारीमा उक्त नगरपालिकाहरुमा कार्यक्रम सँचालन गरिएको कार्यक्रम सँचालक सिँहले थपे ।

२०७२ सालदेखि नै सँचालनमा रहेको सशक्तिकरण कार्यक्रमबाट हालसम्म तीनै स्थानीय तहबाट ५८ घर परिवार प्रत्यक्ष लाभान्वित भएको बताइएको छ ।