धनुषा : मोसा चोरी आरोपमा एक युवक पक्राउ

न्यूज ब्यूरो, जनकपुरधाम । मोटरसाइकल चोरीको आरोपमा एक युवकलाई ईलाका प्रहरी कार्यलय यदुकूहाले पक्राउ गरेको छ ।

पक्राउ पर्नेमा शहिदनगर नगरपालिका वडा नं. ८ बिसरभोरा बस्ने २२ वर्षीय सोनू गोइत रहेको छ भने घटनामा सगंलन सुरेश बिराजी फरार रहेको प्रहरी निरीक्षक दिपक बाबू केसीले जानकारी दिए । प्रहरीका अनुसार स्थानीय जैलुन राइनको घरबाट बुधबार रातीको समयमा स ६ प २७७५ नम्बरको कालो रंगको पल्सर मोटरसाइकल र साइकल चोरी गरेको पिडितले प्रहरी कार्यलमा सोनू गोइत र सुरेश बिराजी विरुद्ध जाहेरी दिएका थिए ।

ईलाका प्रहरी यदुकूहाबाट धर्मबीर पाण्डेको नेतृत्व खटिएको प्रहरी टोलीले चोरीमा संगलन स्थानीय २२ बर्षीय सोनू गोइत पक्राउ परेपनी अर्का एक जना शुरेश बिराजी फरार रहेको प्रहरीले बताए । पक्राउ परेका गोइतलाई सोधपुछ गर्दा उनी साइकल र लत्ताकपडा चोरिएको स्वीकार गरिएको हो चोरिएको सामग्री बिसरभोरा स्थित दुर्गा मन्दिर नजिक लुकाएर राखिएको थिए। उक्त समानहरु प्रहरीले फेला पारेको छ ।

आरोपी सोनू गोर्इतलाई म्याद थपका लागि विहिबार जिल्ला अदालत धनुषाबाट म्याद थप गरी प्रहरी कार्यालय यदुकूहामा राखेर थप अनुसन्धान गरिरहेको तथा फरार अभियुक्तलाई खोजी भैरहेको प्रहरी निरीक्षक केसीले जनाए । यसअघि पनि उनीहरु त्यही वडामा भएको विभिन्न समयमा मोटरसाईकल चोरीमा सँलग्न रहेको पाइएको छ ।