साइकल वितरण सोच परिवर्तनको अभियान हो : मुख्यमन्त्री राउत

न्यूज ब्यूरो, सिरहा । प्रदेश २ का मुख्यमन्त्री लालबाबु राउतले समाजको शोच परिवर्तन गर्न प्रदेश सरकारले साईकल वितरण अभियान सञ्चालनमा ल्याएको बताएका छन् ।

सिरहाको भगवनपुर गाउँपालिकाको इनरवास्थित हनुमान प्रसाद शारदा मावि आयोजित साईकल वितरण कार्यक्रमलाई सम्बोधन गर्दै मुख्यमन्त्री राउतले समाजमा ब्याप्त रहेकोे छोराछोरी बीचको विभेद अन्त गर्न यो अभियान सहायक बन्ने बिश्वास व्यक्त लिए । सो विद्यालयमा कक्षा ८ मा अध्ययनरत ५० जना छात्राहरुलाई साइकल वितरण गरिएको छ ।

समाजको आधा हिस्सा महिलाहरू शिक्षित भएमात्र प्रदेश विकसित हुने बताउँदै उनले प्रदेश सरकार महिलाहरुको शिक्षा मात्र नभई रोजगारीको ग्यारेन्टीको लागि ५०५ आरक्षणको ब्यबस्था समेत गरिसकेको जनाए । आजको आवश्यकता प्राबिधिक शिक्षाको रहेकोे भन्दै मुख्यमन्त्री राउतले प्राबिधिक शिक्षा सम्बन्धित ऐन चाडैं ल्याउन लागेको बताए ।