सिरहामा ढिस्कोमा पुरिएर बालकको मृत्यु

न्यूज ब्यूरो, सिरहा । सिरहामा माटोको ढिस्कोमा पुरिएर एक बालकको ज्यान गएको छ ।

सिरहाको कर्जन्हा नगरपालिका–१० प्रयागपुरमा माटोको ढिस्कोमा पुरिएर बालकको मृत्यु भएको हो । मृत्यु हुनेमा कर्जन्हा नगरपालिका–१० प्रयागपुर निवासी हरिगोविन्द साहको ११ वर्षीय छोरा गोधिया साह रहेका छन् ।

माटो खनिरहेको क्रममा भिरमाथिबाट खसेको ढिस्कोले बालक पुरिएका थिए । बालकको उपचारको क्रममा अस्पतालमै मृत्यु भएको हो ।

मृतकको शव पोष्टमार्टमको लागि रामकुमार सारडा उमाप्रसाद मुरारका अस्पताल लहान पठाइएको सिरहा प्रहरीले जनाएको छ ।