सप्तरीमा बालिकालाई यौन दर्व्यवहार गर्ने एक वृद्ध जेल चलान

न्यूज ब्यूरो, सप्तरी । सप्तरीमा बालिकालाई यौन दुर्व्यवहार गरेको अभियोगमा एक ७० वर्षीय वृद्धलाई जेल सजाय सुनाइएको छ ।

जिल्ला अदालत सप्तरीका न्यायाधीश जवाहरप्रसाद सिंहको इजलाशले तिलाठी कोइलाडी गाउँपालिका ५ बर्साइनका ७० वर्षीय खुशीलाल रजकलाई कैद र जरिवानाको फैसला गरेको हो । अदालतका अनुसार रजकलाई ३ महिना कैद र ३० हजार जरिवानाको फैसला भएको छ ।

गत भदौ ७ गते रजकले एक बालिकालाई जर्वजस्ती घरभित्र लगेर हातपात गरी यौन दुर्व्यवहार गरेको थियो ।