प्रशासन र विद्यार्थीबीच सहमति, मेयरले खोले ताला

जनकपुरधाम, १७ पुस । धनुषाधाम माविमा लगाइएको अनिश्चितकालिन तालाबन्दी आइतबार खोलिएको छ ।
धनुषाधाम नगरपालिकाका मेयर बालेश्वर मण्डलले विद्यार्थी र विद्यालय प्रशासनबीच सहमति गराउँदै ताला खोलेका हुन् ।

विद्यालयमा नियमित पठनपाठन नहुने गरेको, प्राविधिक सेक्सनमा प्रध्यापकहरु अनुपस्थित हुने गरेको, केयौँ महिना वितिसक्दा पनि कोर्ष अगाडी नबढाएको भन्दै गुनासो लिएर विद्यार्थीहरु अनिश्चितकालिन तालाबन्दी गरेका थिए ।

आईतबार मेयर मण्डलले बृहत बैठक गरी विद्यालय प्रशासन र आन्दोलित विद्यार्थीबीच सहमति गराउँदै ताला खोलेका हुन् ।
ताला खोले लगत्तै मेयर मण्डलकै अगुवाईमा सरसफाई समेत गरिएको छ ।

धनुषाधाम नगरपालिका युवा समूहको एक टोलीको अगुवाई गर्दै मेयर मण्डलले सरसफाईतलाई मूर्तरुप दिएका हुन् ।
समूहका युवा तथा विद्यार्थीहरुले सामुहिक रुपमा सरसफाई गरिएको ब्युरो सहकर्मी विनय कुमार यादवले जनाए ।