थारु सँस्कृतिको द मोडेल अफ कल्चर हुँदै

न्यूज ब्यूरो, कपिलवस्तु । बुद्ध सनेस साप्ताहिक तथा थारु पत्रकार संघ नेपालले द मोडेल अफ कल्चर कपिलवस्तु २०७६ भेला कार्यक्रम सम्पन्न गरेको छ । जिल्लाको गोरूसिङगे स्थित थारु कल्याणकारी सभा हलमा कार्यक्रम सम्पन्न गरेको हो ।

द मोडल अफ कल्चर कार्यक्रमको प्रमुख अतिथि रहनु भएकी थारु कल्याकारीणी सभाको केन्द्रीय सदस्य सुमित्रा थारुले कार्यक्रमलाई सम्बोधन गर्दै जिल्लामै थारू समुदायको लागि एकदमै नौलो कार्य भएको थारुले दावी गरिन् । यो कार्यक्रम थारु समुदायको लागि नौलो मात्रै नभएर अवसर समेत भएको उनले बताईन् ।

साथै वर्तमान समयमा पुराना थारु ड्रेसमा रहेका टुत्रिलाई सच्चाउँदै आधुनिकता ल्याउन जरुरी रहेको उल्लेख गर्दै कलाक‌ारिता क्षेत्रमा दखल बनाएर व्यावसायिक तरिकाले समुदायलाई पनि अगाडि बढाउने, मोडलिङ पेशालाई हेर्ने दृष्टिकोण नै सकारात्मक हुनु पर्नेमा जोड् दिनुपर्ने र थाकसको तर्फबाट आफूले सक्दो गर्ने प्रतिबद्धता समेत थारुले जाहेर गरिन् ।

थारु पत्रकार संघ नेपाल कपिलवस्तु शाखाको अध्यक्ष श्याम सिटीले कार्यक्रमको बारेमा प्रष्ट प्रार्दै "द मोड अफ कल्चर" ले थारु समुदायको कला संस्कृतिलाई प्रबर्द्धन गर्दै संरक्षणमा टेवा पुर्‍याउने गरि अन्य समुदायको कल्चरलाई समेत सम्मान गर्दै अगाडि बढ्ने सिटीले बताए । उनले भने सबै जात जाती, भाषा भाषी, धर्म संस्कृतिलाई समेटिएर अघि बढ्ने गरि साथै नयाँ कलाकार उत्पादन गर्ने र कला संस्कृतिको प्रबर्द्धनमा बिशेष सहयोग पुग्ने उद्देश्यले यो कार्यक्रमको आयोजना गर्न लागिएको अध्यक्ष सिटीले जनाए ।

त्यसैगरी सो कार्यक्रममा कपिलवस्तु नागरिक समाजका अध्यक्ष कार्यक्रममा बोल्दै थारु समुदायको लागि नभएर यो कार्यक्रम सबै समुदायका लागि प्रेरणादायी र फलदायी रहेको उल्लेख समेत उनले गरे ।

उक्त कार्यक्रममा थारु पत्रकार संघ नेपाल कपिलवस्तुका श्याम सिटीको अध्यक्षता, थारु कल्याणकारी सभाका केन्द्रीय सदस्य सुमित्रा थारुको प्रमुख आतिथ्यिता, कपिलवस्तु नागरिक समाजका अध्यक्ष दोलख बहादुर पछाई, थारु पत्रकार संघ नेपालका केन्द्रीय सचिव कमल चौधरीको विशिष्ट आतिथ्यिता रहेको थियो ।

त्यसैगरी बुद्धभूमि नगरपालिका वडा नं. ४ को वडाअध्यक्ष पवन थारु, थाकस जिल्ला सभापति उमाशंकर थारु र थारु बगियाका केन्द्रीय अध्यक्ष मनिष कठेरिया लगायतको आतिथ्यिता साथै थापसको जिल्ला उपाध्यक्ष द्वारिका प्रसाद थारुको स्वागत र सरिता थारुको सञ्चालनमा कार्यक्रम सम्पन्न भएको थियो ।