धनुषामा आगलागी, १० लाखको क्षति

न्यूज ब्यूरो, धनुषा । धनुषामा विद्युत सर्ट भएर आगलागी हुँदा १० लाख बराबरको क्षति भएको छ ।

मंगलबार विहान जनकपुर उपमहानगरपालिका–२१ कुर्था बस्ने लालबाबु साह सोनारको घरमा करेन्ट सर्ट भई आगलागी भएको हो ।

आगलागीबाट नगद ५ लाख २५ हजार रुपैयाँ, चाँदीका गहनाहरु २० तोला, सुनका गहना ५ तोला र विभिन्न सामान जलेर करिब ९ लाख ९० हजार रुपैयाँ बराबरको धनमाल नष्ट भएको छ ।

आगोलाई स्थानीयबासी र दमकलको सहयोगमा नियन्त्रणमा लिइएको थियो । आगलागीबारे थप अनुसन्धान भइरहेको पनि प्रहरीले जनाएको छ ।