मात्रिका यादव र प्रभु साहले एसिड पीडितलाई भेटेर भने : 'न्याय दिलाउँछौं'

न्यूज ब्यूरो, जनकपुरधाम । नेपाल सरकारका उद्योग, वाणिज्य तथा आपूर्तिमन्त्री मातृका यादव र नेकपा प्रदेश नम्बर २ का अध्यक्ष एवम प्रतिनिधिसभा सदस्य प्रभु साहले एसिड आक्रमणबाट पीडित पर्साकी मुस्कान खातुनलाई न्याय दिलाउने बाचा गरेका छन् ।

आइतबार कीर्तिपुरस्थित नेपाल क्लेफ्ट एन्ड बर्न सेन्टरको आइसियूमा उपचारत खातुनलाई भेट्न नेताद्वय यादव र साह पुगेका हुन् । अस्पतालमा पुगेर स्वास्थ्य अवस्था बुझेपछि मन्त्री यादवले खातुनको उपचारमा कुनै कमी हुन नदिन अस्पताललाई निर्देशन दिए ।

एउटा निर्दोष बालिकामाथि आक्रमण भएको भन्दै मन्त्री यादवले अपराधमा संलग्नलाई कुनै पनि हालतमा माफ गर्न नसकिने बताए ।