मगही भाषालाई प्रदेश २ को कामकाजी बनाउन माग गर्दै सिएमलाई ज्ञापनपत्र

न्यूज ब्यूरो, जनकपुरधाम । मगही भाषालाई प्रदेश २ को कामकाजी भाषा बनाउन माग गर्दै ज्ञापनपत्र बुझाइएको छ ।

मगही भाषा संरक्षण सम्बद्र्धन प्रतिष्ठान जनकपुरले सोमबार प्रदेश २ का मुख्यमन्त्री लालबाबु राउतलाई यस्तो माग गर्दै ज्ञापनपत्र बुझाएको हो ।

प्रतिष्ठान सम्बद्ध युवाहरुले मुख्यमन्त्री राउतलाई विहान भेटी मगही भाषालाई कामकाजी भाषा बनाउन माग गर्दै ज्ञापनपत्र बुझाएका हुन् । उनिहरुले प्रदेश स्तरीय मगही भागाा संस्कृति विकास बोर्ड गठन गर्नुपर्ने, सरकारी सूचनाहरु मगही भाषामा सम्प्रेशन गर्नुपर्ने, प्रशिक्षक तयारी गर्नुपर्ने जस्ता मागहरु राखेका छन् ।

प्रतिष्ठानले प्रदेश नं. २ मा ६२ प्रतिशत जनताले मगही भाषा बोली रहेको दावी गर्दै यस्तो माग अघि सारेको हो ।