न्यायिक समितिका पदाधिकारीलाई १ दिने अभिमुखिकरण

न्यूज ब्यूरो, सुनसरी । सुनसरीको दुहबी नगरपालिकामा न्यायिक समितिको काम कर्तव्य ,अधिकार र कानुन सम्बन्धि एक दिने अभिमुखिकरण कार्यक्रम सम्पन्न भएको छ।

दुहबी नगरपालिकाका न्यायीक समितिका पदाधिकारी र मेलमिलापकर्ताहरुलाई कानुनी प्रावधान र न्यायिक गतिविधिका बारेमा जानकारी दिने उद्धेश्यले अभिमुखिकरण कार्यक्रम आयोजना गरिएको दुहबी नगरपालिकाका प्रमुख प्रशासकिय अधिकृत खेमराज ओझाले जानकारी दिए।

दुहबी नगरपालिकाकि उपप्रमुख तथा न्यायीक समितिकी संयोजक सुनिता दाहल९साह०को अध्यक्षतामा सो अभिमुखिकरण कार्यक्रममा नगरपालिकाको न्यायीक समितिका पदाधिकारी र मेलमिलापकर्ता गरि ४० जनाको सहभागीता रहेको थियो । कार्यक्रममा दुहबी नगरपालिका कार्यालय महिला विकास शाखाकी प्रमुख अधिकृत दिपा दहालले सहभागीहरुलाई नगरपालिकाको काम कर्तव्यसंग सरोकार राखने व्यवस्थाका बारेमा सहभागीहरुलाई सहजिकरण गरेकी थिईन।

कार्यक्रमका सहभागीहरुलाई प्रचलित कानुनका विभिन्न आयाम र व्यवस्थाहरु बारेमा प्रशिक्षित गरिएको कार्यक्रम संयोजक सुमित्रा माझिले जानकारी दिइन।अभिमुखिकरण कार्यक्रम समापन गर्दै न्यायीक समिति संयोजक सुनिता दहाल (साह)ले तालिमबाट सिकेका कुराहरु व्यवहारमा लागू गर्न न्यायीक समितिका पदाधिकारी र मेलमिलापकर्ताहरुलाई आग्रह गरिन।

उनले स्थानियस्तरमा देखिदै आएका कानुनी जटिलताहरुलाई समाधान गर्न तथा कानुनी प्रावधानहरुका बारेमा जानकार हुन यश प्रकारका कार्यक्रमहरु आवश्यक रहेको बताइन् ।