गणेशमान चारनाथ नपाका जेष्ठ नागरिकलाई सम्मान

न्यूज ब्यूरो, धनुषा । धनुषाको गणेशमान चारनाथ नगरपालिकामा जेष्ठ नागरिकहरुलाई सम्मान गरिएको छ । नगरपालिकाले ९ वटै वडाका जेष्ठ नागरिकहरुलाई एक कार्यक्रमबीच सम्मान गरेको हो ।

बढ्दो वैज्ञानिकीकरणले आफ्नै सन्तानबाट जेष्ठ नागरिकहरु पीडित हुने गरेको यथार्थ राख्दै बृद्धबृद्धाको सम्मानले मात्र धर्म परम्परा जिवित रहने नगरप्रमुख रामबाबु यादवले बताए । वैदेशिक रोजगारले पनि जेष्ठ नगारिकहरु थप पीडित बनेको भन्दै उनले नयाँ नीति बनाउने विश्वास दिलाए ।

उपमेयर मिना यादवले वृद्ध तथा जेष्ठ नागरिकको सम्मान गर्नु हाम्रो संस्कृति नै रहेको भन्दै यसलाई रक्षा गर्न सधैं एक पाईला अघि रहने प्रतिवद्धता जनाइन् । वृद्ध तथा जेष्ठलाई सम्मान गरेर हौसला र हिम्मत बुलन्द राख्न नगरपालिकाले गरेको प्रयासलाई सबैले प्रशंसा गरे ।

नगरका मेयर रामबाबु यादवको अध्यक्षतामा भएको कार्यक्रममा प्रमुख अतिथिका रुमपमा जिल्ला समन्वय समितिका सभापति रामदेव बन्रैत यादव सहभागी थिए भने विशिष्ट अतिथिमा नगरकी उपप्रमुख मिना यादव सहभागी थिइन् ।

कार्यक्रममा वुद्धिजिवी, समाजसेवी, राजनीतिकर्मी, स्थानीय लगायतको उल्लेख्य सहभागिता थियो ।