नगरबाट दक्ष जनशक्ति उत्पादन गर्न लोकसेवा तयारी गराउँदैछौ : मेयर मण्डल

न्यूज ब्यूरो, धनुषा । धनुषाधाम नगरपालिकाका मेयर बालेश्वर मण्डलले नगरबाट दक्ष जनशक्ति उत्पादनको लागि लोकसेवा परामर्श कक्षा सँचालन गरेको जनाएका छन् ।

धनुषाको धनुषाधाममा नगरस्तरिय लोकसेवा तयारी परामर्श कार्यक्रमको उद्घाटन गर्दै मेयर मण्डलले नगरबाट दक्ष जनशक्ति उत्पादन होस तथा सरकारी निकायमा यस नगरपालिकाबाट बढी भन्दा बढी युवा, युवतिहरुको सहभागीता होस भन्ने उदेश्यले निःशुल्क रुपमा लोकसेवा परामर्श कक्षा सँचालन गरिएको बताएका छन् ।

धनुषाधाम नगरपालिकाको आर्थिक सहयोग एव मानव बिकास केन्द्रको आयोजनामा लोकसेवा तयारी परामर्श तालिम धनुषाधाम उद्घाटन गरिएको हो । अहिले प्रत्येक स्थानीय तहमा कर्मचारी जनशक्तिमा कमि देखिएकोले त्यसैलाई मध्य नजर गर्दै धनुषाधाम नगरपालिका युवाहरुलाई नगरपालिका भित्रमा सेवाप्रति जागरुक गराउन लागि यो कक्षा सँचालन गरेको बताउँदै लोकसेवा कक्षा सहभागीबाट लोकसेवाको खुल्ला प्रतिष्पर्धाबाट नाम निकाल्न सफलताको शुकामना समेत दिए ।

कार्यक्रममा नगरपालिकाका निमित्त प्रमुख प्रशासकीय अधिकृत निरज श्रीवास्तवले आगामी दिन युवा हितका लागि अझ राम्रा राम्रा कार्यक्रम ल्याउने प्रतिवद्धता जनाए ।

कार्यक्रममा बिशिस्ट अतिथि निमित्त प्रमुख प्रशासकीय अधिकृत निरज श्रीबास्तव, कुन्दन झा , प्रत्येक वडाका अध्यक्ष लगायत सहाभागी बिद्यार्थीहरुको उपस्थिति रहेको थियो । प्रत्येक वडा बाट १० १० जना सहभागी गराईने छ । उनीहरुलाई उप सचिब लगायत अधिकृत जस्ता प्रशिक्षकहरुले प्रशिक्षण दिने छन् ।