आँधीबाट ज्यान गुमाएकाहरुप्रति 'विद्यार्थी जनमत संघ' द्धारा चिरशान्तिको कामना

न्यूज ब्यूरो, सिरहा । आइतबार राती बारा–पर्सामा आएको आँधीबेहरीबाट ज्यान गुमाएकाहरुप्रति विद्यार्थी जनमत संघ सिरहाले मृत्यूवरण गर्नेहरुको आत्माको चीरशान्तीको कामना गर्दै शोक व्यक्त गरेको छ ।

आज साँझ सिरहाको मिर्चैया कटारी चोकमा डा. सिके राउत नेतृत्वको जनमत पार्टीको विद्यार्थी संगठन विद्यार्थी जनमत संघले मृतकहरुका लागि श्रद्धाञ्जली कार्यक्रम आयोजन गरेर उनीहरूको चिर शान्तिको लागि कामना गरेका छन् । त्यसैगरी, आँधीमा परेर घाइते भएकाहरुको लागि स्वास्थ्य लाभको कामना समेत गरेका छन् ।

श्रद्धाञ्जली कार्यक्रममा करिब २ सयबढी सर्वसाधारणहरु सहभागी थिए । गत १७ गते राती आएको भीषण आँधीबेहरीमा परेर बारा र पर्साको विभिन्न पालिकाका दर्जनौँ व्यक्तिले ज्यान गुमाएका छन् भने ६०० बढी घाईते भएका छन् ।