विद्यार्थी मृत्यू प्रकरण : घटनाको छानबिन गरी कलेजलाई कारवाही गर्न राविसंघको खबरदारी

न्यूज ब्यूरो, सिरहा । कलेज टूरको क्रममा दुबईमा रहस्यमय मृत्यू भएका सिरहाको मिर्चैया ५ का गौरव श्रेष्ठको न्यायका लागि राष्ट्रिय विद्यार्थी संघले काठमाडौंको माईतीघर मण्डलामा प्रदर्शन गरेको छ ।

काठमाडौं थापाथलीमा रहेकोे द ब्रिटिश कलेजबाट भ्रमणमा दुबई गएका उनको कलेजकै लापरबाहीका कारण मृत्यू भएको ठहरसहित राविसंघले श्रेष्ठलाई न्याय र कलेजलाई कारवाही गर्न सरकारलाई खबरदारी गरेको हो ।

गत माघ २९ गते द ब्रिटिश कलेजले ९ दिने शैक्षिक भ्रमणको लागि २६ जना विद्यार्थीहरुको टोली दुबई भ्रमणमा गएको र भ्रमणमा गएको ३ दिन नबित्दै फागुन २ गते सिरहाको मिर्चैया ५ स्थायी बसोबास भएको महेन्द्र श्रेष्ठको छोरा २० वर्षीय बिबिए आईटी प्रथम वर्षमा अध्ययनरत्त विद्यार्थी गौरव श्रेष्ठको रहस्यमयी मृत्यू भएको थियो ।

गौरव श्रेष्ठको निधन कलेजकै लापरबाहीका कारण भएको निष्कर्ष निकाल्दै उनको न्यायको लागि राविसंघका अध्यक्ष चिरञ्जीवी यादवको नेतृत्वमा सरकारलाई खबरदारी गरिएको हो ।

भ्रमणमा गएको विद्यार्थीहरुलाई समुद्रमा नुहाउने क्लेजको स्वीमिङ्ग गर्ने कुनै कार्यक्रम नहुँदानहुँदै पनि विद्यार्थीहरुलाई समुद्रमा विनालाइफ जेकेटको नुहाउँने छुट क्याम्पस प्रशासनले सुनियोजित एवं शंकास्पद तरीकाले दिएको संघको ठम्याई छ ।

नेपाल सरकारले द व्रिटिस क्लेज थापाथली काठमाडौँलाई छानविनको दायरामा ल्याई संघको प्रतिनिधित्व हुने गरी छानविन समिति गठन गरी दोषिलाई कारवाहि र पीडित परिवारलाई न्यायको प्रत्याभुति गराउन नेपाल सरकारसँग माग गरेको छ ।

सरकारले पीडित परिवारसँग न्याय गर्न आलटाल गरे संघले कडा आन्दोलन गर्ने चेतावनी दिइएको छ ।