रौतहटको मौलापुर नगरपालिकाकामा ७ ऐन लागू, के-के छ नयाँ नियम ?

न्यूज ब्यूरो, रौतहट । स्थानीय सरकार संचालन ऐन २०७४ परिधी भित्र रहेर मौलापुर नगरपालिका ऐन संग्रह सार्वजनिक गरी कार्यान्वयनमा ल्याएको छ ।

रौतहटको मौलापुर नगरपालिकाको मौलापुरमा मंगलवार आयोजित एक कार्यक्रमका विच नेपाल कम्युनिष्ट पार्टी (नेकपा) का प्रदेश नम्वर २ का अध्यक्ष प्रभु साह सहित मेयर रिना साह सहितका पदाधिकारीहरुले विमोचन गरेर सार्वजनिक गरेको हो ।

मौलापुर नगरपालिकाले स्थानीय राजपत्र सहित सात वुंदाका ऐन संग्रह सार्वजनिक गरेको छ । मौलापुर नगरपालिका शिक्षा ऐन २०७५, कृषि ऐन, कृषि संस्थान ऐन, सहकारी ऐन, एफएम रेडियो ऐन, प्राविधिक तथा व्यवसायिक तालिम प्रतिष्ठान ऐन र प्रशासनिक कार्यविधि (नियमित गर्ने) ऐन गरी सात वटा ऐन तयार गरेर २०७५ फागुन ५ गते देखि नगरमा लागु गरिएका छन् ।

सार्वजनिक समारोहका प्रमुख अतिथि रौतहट क्षेत्र नम्वर ३ का साँसद तथा नेकपा प्रदेश २ का अध्यक्ष प्रभु साहले मौलापुर नगरपालिकाले विकास निर्माण लगायत नगरका जनतालाई आत्मनिर्भर बनाउनलाई चाहिने ऐन बनाएर सार्वजनिक गरेकोमा खुशी व्यक्त गरे ।

वर्तमान सरकारको निती पनि आम नेपाली जनतालाई सुखी र समृद्धि बनाउनमा अहोरात्री खटिरहदा त्यस कार्यमा स्थानीय तहको पनि उत्तिकै दायित्व रहने भएको हुदा मौलापुर नगरकार्यपालिकाद्धारा ल्याइएको यस ऐनले जनतालाई बलियो बनाएको स्पष्ट पारे । साक्षरताका लागि साँस्कृतिक कार्यक्रममा नगरभित्र रहेका माध्यमिक विद्यालय, आधारभुत विद्यालय, प्राथमिक विद्यालयमा अध्ययन गर्ने छात्रछात्राहरुले शिक्षा, सरसफाई, बालविवाह, दाइजो प्रथा जस्ता कुरुती विरुद्ध जनचेतना जगाउने उद्देश्यबाट आ आफना कलाकृतिहरु प्रस्तुत गरेका थिए ।

कक्षा ११ मा अध्ययन गर्ने ५० जना छात्राहरुलाई आधुनिक युग संग जुडि आफना शिक्षालाई अघि बढाउनका लागि मौलापुर नगरपालिकाको सहयोगमा एक÷एक थान ल्यापटप साँसद साहले वितरण गरेका छन् । त्यसैगरी अध्ययन अध्यापनको साथै खेलकुद क्षेत्रमा पनि मौलापुर नगरपालिकाको स्थान अवल होस भनेर नगरको ११ वटा वडाका क्रिकेट टिमलाई क्रिकेटका सम्पूर्ण सामग्रीहरु वितरण साँसद साहले गरेको प्रमुख प्रशासकीय अधिकृत प्रमोदकुमार साहले बताए ।

कार्यक्रममा नगरका विद्यालयस्तरीय सांस्कृतिक कार्यक्रम तथा हाजिरी जबाफ प्रतियोगिताका विजयी छात्रछात्रा र टोलीहरुलाई नगदले पुरस्कृत गरिएको थियो ।
कार्यक्रममा संघीय संसदका सासदत्रय सरला यादव, रेखाकुमारी झा, समिना हुसैन, प्रदेशका सामाजिक विकास मन्त्री नवलकिशोर साह, प्रदेश सभा सदस्य बाबुलाल साह, कुन्दन कुशवाहा, कटहरिया नगरपालिकाका मेयर सियाराम कुशवाहा फिरोज, उपमेयर नूरजहाँ खार्तुन, गरुडा नगरपालिकाकी उपमेयर रंगीलादेवी जयसवाल लगायतको सहभागिता रहेको थियो ।