५०० मुसहर समुदायका बालबालिकाहरुलाई शैक्षिक समाग्री

जनकपुरधाम, १३ माघ । धनुषाको धनुषाधाम नगरपालिका वडा नं. १ मा रहेको मुसहर बस्तीमा जय श्री सबरी माता मुसहर एकता युवा सेवा समाज नेपालद्वारा पाँचसय मुसहर बालबालिकाहरुलाई शैक्षिक सामग्री वितरण गरिएको छ ।

मुसहर समुदाय ७ प्रतिशत मात्र साक्षर रहेको र महिला झन १ प्रतिशत मात्र रहेकोले मुसहर बालबालिकाहरुलाई शिक्षा तिर आर्कषण गर्न यस संस्थाले शैक्षिक समाग्री वितरण अभियान नै चलाएको हो । स्थानीय विजय कुमार सदाको अध्यक्षता एवम् सँचारकर्मी मुकेश कुमार ठाकुरको प्रमुख आतिथ्यमा सम्पन्न एक कार्यक्रमबीच उक्त समुदायका बालबालिकाहरुलाई शिक्षामा पहुँच बढाउने हेतु समाग्री वितरण गरिएको हो ।

नेपालकै मुसहर समुदायको युवाहरु रोजगारी गर्नको लागी विदेशमा गई काम गरी कमाएको पैसाबाट “अपने समुदायके अपने सुधारु” नाराको साथ प्रत्येक महिना केही रकम बचाएर मुसहर बालबालिकाहरुलाई सहयोग गर्ने गरेकाछन् ।

यस संस्थाको संचालक राकेश सदाको पहलमा उपाध्यक्ष बुदुर सदा साउदीमा रामनारायण सदा अध्यक्षता, कतारमा अजय सदा अध्यक्षता, कुवेतमा राजकुमार सदा अध्यक्षता तथा मलेशियामा उपेन्द्र सदा अध्यक्षतमा समिती निर्माण गरी मुसहर युवाहरु पैसा संक्लन गरी नेपालमा विजय सदाको अध्यक्षतामा गठन गरिएको यस संस्था मार्फत अति विपन्न मुसहर बालबालिकाहरुलाई सहयोग गर्दै आएका छन्।

मुसहर समुदायको शैक्षिक, समाजिक, आर्थिक अवस्थामा सुधार ल्याउन विभिन्न किसिमको कार्यक्रम गर्ने गरेकाछन् ।कार्यक्रममा बिस्श्ट अथितिहरुमा प्रमिला देवी सादा ,समाजवादी युवा फोरम नगर अध्यक्ष प्रदीप भन्डारी ,रुवि सादा ,पन्छु सादा ,प्रमोद सादा लगाईत विभिन्न राजनितीक दलका नेता तथा कार्यक्र्ता स्थानीय हरुको उल्लेखनीय सहभागिता रहेका थिए । भने कार्यक्रम सन्चालन पत्रकार बिनय कुमार यादवले गरेका थिए ।