शान्तिको देश नेपालमा बढदै 'बलात्कार'

मनिष शर्मा, २ माघ । शान्तिको प्रतिक रहेको देश नेपाल अहिले अशान्तिको प्रतिक बनेको छ । बलात्कार, हत्या, चोरी, डकैती र अपहरण जस्ता अपराधले गर्दा देशभरी अशान्ति फैलिदै गइरहेको छ ।

महिलाबाट नै मानिसको उत्पति हुन्छ भने ती महिला बलात्कृत भएपछि मानव जातीमाथी नै प्रश्न चिन्ह लागेको छ ? दुई तिहाईको सरकार पाएपनि देशले शान्तिको वातावरण पाउन सकेको छैन् ।

विगत समयदेखि वर्तमानसम्म बलात्कारको घटना बढदै गएको पाईन्छ जस्ले सम्पूर्ण देशबासीलाई चिन्तित बनाएको देखिन्छ । विगत आर्थीक वर्ष २०७२–७३ मा नेपालमा प्रति दिन ३ जना जबरजस्ती करनी र १ जना जबरजस्ती करनी उद्योगका शिकार भएका थिए ।

आर्थीक वर्ष २०७३/७४ मा प्रति दिन ३ जना भन्दा बढी जबरजस्ती करनी र १ जना भन्दा बढी जबरजस्ती करनी उद्योगका शिकार भएका थिए । त्यस्तै आर्थीक वर्ष २०७४–७५ मा प्रति दिन ४ जना जबरजस्ती करनी र २ जना जबरजस्ती करनी उद्योगका शिकार भएका थिए ।

चालु आर्थीक वर्ष २०७५–७६ को चार महिनामा मात्र प्रति दिन ६ जना जबरजस्ती करनी र ४ जना जबरजस्ती करनी उद्योगका शिकार भएका छन् ।

त्यसैगरी आर्थीक वर्ष २०७२–७३ मा दर्ता भएको कुल १ हजार ८९ जबरजस्ती करनी र ४ सय ५२ जबरजस्ती करनी उद्योग मध्ये १ हजार ८२ जबरजस्ती करनी मुद्दा फर्छयौट भएको र ७ वटा बाँकी रहेको छ । आर्थीक वर्ष २०७३–७४ मा दर्ता भएको कुल १ हजार १ सय ३७ जबरजस्ती करनी र ५ सय ३१ जबरजस्ती करनी उद्योग मध्ये १ हजार ८८ जबरजस्ती करनी मुद्दा फर्छयौट भएको र ४९ वटा बाँकी रहेको छ भने ४ सय ५३ जबरजस्ती करनी उद्योग मुद्दा फर्छयौट भएको र ७८ वटा बाँकी रहेको छ ।

आर्थीक वर्ष २०७४–७५ मा दर्ता भएको कुल १ हजार ४ सय ८० जबरजस्ती करनी र ७ सय ३७ जबरजस्ती करनी उद्योग मध्ये १ हजार ४ सय १६ जबरजस्ती करनी मुद्दा फर्छयौट भएको र ६४ वटा बाँकी रहेको छ भने ७ सय २४ जबरजस्ती करनी उद्योग मुद्दा फर्छयौट भएको र ३ वटा बाँकी रहेको छ । चालु आर्थीक वर्ष २०७५–७६ को मात्र ४ महिनामा कुल ७ सय ८६ जबरजस्ती करनी र ३ सय २८ जबरजस्ती करनी उद्योगको उजुरी दर्ता भएको प्रहरीको सुचीका रहेको छ ।

विगतमा भएको बलात्कार जस्ता जगन्य अपराधहरु जनप्रतिनिधीद्वारा समाजमा लुकाउने गरिन्थ्यो भने नेपाल प्रहरीका केन्दि«य प्रहरी प्रवक्ता तथा सुचना अधिकारी एवं प्रहरी वरिष्ठ उपरीक्षक उत्तम राज सुवेदीले बताए । अहिले नेपाल प्रहरी, विभिन्न संघ संस्था तथा सञ्चार माध्ययमको सहयोगले त्यस्ता घटनाहरु प्रहरीमा आउन थालेका छन जसले गर्दा तथ्यांकमा बृद्धि भएको उनको भनाई रहेको छ ।

सामाजिक विकृतीले सिर्जित अपराध बढनका साथै प्रहरीको सक्रियतामा देशको विभिन्न ठाउँमा भइरहेको व्यवसायीक अपराधमा कमि भएको पनि उनले थपे ।

देश र समाजमा हुने गरेको विभिन्न प्रकारका अपराधीक घटनालाई जडैबाट समाप्त पार्न नेपाल प्रहरी र विभिन्न सामाजीक संस्थाका साथमा सञ्चार माध्ययमले समेत सक्रियता देखाई रहेका छन् ।