पूर्व साँसद विपि यादव सहकारी विभागको प्रमुखमा नियुक्त

जनकपुरधाम, १ माघ । राष्ट्रिय जनता पार्टी नेपाल (राजपा) को सहकारी विभागको केन्द्रीय संगठन प्रमुखमा विपी यादवलाई नियुक्त गरिएको छ ।

पूर्व साँसद समेत रहेका यादवलाई राजपा नेपालले उनलाई संगठनको प्रमुखको रुपमा नियुक्त गरेपछि राजपाकै सहकारी संगठनका केन्द्रीय सँयोजक सँजय कुमार साहले उनलाई बधाई तथा कार्यकालको शुभकामना दिएका छन् ।

सँयोजक साहले सोमबार एक कार्यक्रमको आयोजना गरी नव नियुक्त प्रमुख यादवलाई फूलमाला तथा अबिरले स्वागत सहित बधाई तथा शुभकामना दिएका हुन् । राष्ट्रिय जनता पार्टी नेपाल (राजपा) को भातृ संगठनको रुपमा रहेको सहकारी संगठन मार्फत जनतालाई जोडने कार्य गरिरहेको बताइएको छ ।

सो समारोहमा राजपा समर्थित नेता तथा कार्यकर्ताहरुको सहभागीता रहेको थियो । यसै क्रममा नव नियुक्त प्रमख यादवले बधाई तथा शुभकामना समारोहका अध्यक्षता गरेका केन्द्रीय सँयोजक साहप्रति आभार प्रकट गर्दै आफ्नो कार्यकाल निष्ठापूर्वक निर्वाह गर्ने प्रतिवद्धता समेत जाहेर गरे ।