प्याब्सन धनुषाको अध्यक्षमा 'गणेश साह'

न्यूज ब्यूरो, जनकपुरधाम । प्याब्सन धनुषाको अध्यक्षमा गणेश कुमार साहलाई सर्वसम्मत चयन गरिएको छ । प्याब्सनको आठौं जिल्ला अधिवेशनले गंगोत्री अंग्रेजी बोर्डिङ स्कूल महेन्द्रनगरका सञ्चालक एवं प्रीन्सिपल गणेश कुमार साहलाई सर्वसम्मत चयन गरेको हो ।

अध्यक्षका लागि चयन भएका साह हरेक समयमा प्याब्सनको हितका लागि काम गर्दै आएका छन् ।

जनकपुर उद्योग वाणिज्य संघको सभाहलमा सम्पन्न आठौं जिल्ला अधिवेशनले साहको नेतृत्वमा जिल्ला समिति गठन गरेको हो । अध्यक्षका लागि चयन भएका साह हरेक समयमा प्याब्सनको हितका लागि काम गर्दै आएका छन् ।

समितिको वरिष्ठ उपाध्यक्षमा विनोदकुमार यादव, उपाध्यक्षमा नवल यादव र मदन मण्डल, सचिवमा शिवचरण साह, सह–सचिवमा इन्द्रदेव यादव र दिनेश यादव, कोषाध्यक्षमा रामरतन साह र सह–कोषाध्यक्षमा नवीन श्रेष्ठ सर्वसम्मत चयन भएका हुन् ।

कार्यक्रममा प्रदेश २ सरकारका सामाजिक विकास मन्त्री नवलकिशोर साहले सम्बोधन गरेका थिए । अधिवेशनमा प्याब्सनसँग जुडेका जिल्ला भरीका सम्पूर्ण सदस्यहरुको सहभागिता रहेको थियो ।