जनकपुरमा विजुली लाईन अवरुद्ध हुने

जनकपुरधाम, १८ पुस । लोडसेडिँगमुक्त गरिएको प्रदेश नं. २ को अस्थायी राजधानी जनकपुरधाममा बुधबार (आज) विद्युत लाईन अवरुद्ध हुने भएको छ ।

जयनगर जनकपुर बर्दिवास रेल्वे निर्मााण कार्यको लागि रेल विभागको निर्देशन अनुसार बुधबार जनकपुरमा कुनै पनि बेला लाईन काटिन सकिने सूचना नेपाल विद्युत प्राधिकरण मुजेलिया सव स्टेशनले प्रकाशित गरेको हो । जनकपुरको पीडारीचोकदेखि सीताचोकसम्मको घर टहरा भत्काउपर्ने भएकोले मुजेलिया सव स्टेशनबाट प्रवाहित फिडरहरुको विद्युत अवरुद्ध हुने सूचना जारी गरिएको छ ।

उक्त सव स्टेशनबाट प्रवाह गरिएको जनकपुर शहर भित्रको सिटी नंं १, सिटी नं. १, सिटी नं. ३ तथा डेडिकेटेड लाईन विहान १० बजेदेखि बेलुका ४ बजेसम्म कुनै पनि बेला काटिन सकिने नेपाल विद्युत प्राधिकरण जनकपुर शाखाको सूचनामा उल्लेख गरिएको छ ।

स्टेशन निर्माण सहित रेल्वे लाईन निर्माणको लागि रेल विभागले त्यस क्षेत्र भित्र पर्ने घर टहराहरु हटाउन पूर्व सूचना जारी गरेपनि स्थानीयहरुले अटेरी गरेको भन्दै बुधबार भत्काउन लागिएको जनाइएको छ । रेल्वे निर्माणको कार्य तीव्र गतिमा भईरहेको छ भने जनकपुरधामको स्टेशन पनि पुरापुरी तयार भईसकेको छ ।