शहिदनगरमा युवा फोरमको वडा कार्यसमिति गठन

जनकपुरधाम, १६ पुस । शहिदनगर नगरपालिका वडा नं. ९ गोठकोयलपुरमा सोमबार समाजवादी युवा फोरम नेपाल १५ सदस्यीय वार्ड कमिटी गठन गरिएको छ ।

संघीय समाजवादी फोरम नेपालको भागीनी संगठनको रुपमा रहेको युवा फोरमको लागि शहिदनगर नगरपालिका वडा नं. ९ को वडा अध्यक्षको प्रत्यासी उम्मेदवार शौखी लाल मुखियाको अध्यक्षतामा नयाँ कार्य समिति गठन गरिएको हो ।

उक्त भेलाबाट निशान्त कुमार मरिक को अध्यक्षतामा १५ सदस्यीय समाजवादी युवा फोरम नेपालको वडा कमिटी गठन भएको जनाएको छ । त्यस्तै वरिष्ठ उपाध्यक्षमा दिपेन्द्र कुमार गोइत , उपाध्यक्षमा मोहन कुमार साफी कोषाध्यक्षमा सोभित सदा , सचिबमा सुनिल कुमार मण्डल र सह सचिबमा शावन कुमार मुखिया सर्व समितिले चयन गरिएको छ भने सदस्यहरुमा राज कुमार ठाकुर , महिन्द्र सदा,उमेश गोहिवार ,कमरे आलम ,कुमर मुखिया ,राम कुमार साफी ,मुकेश कुमार मण्डल ,राम हिर्दे सदा,राम भरोश यादव छनौट भएको हो ।

भेलालाई सम्बोधन गर्दै फोरमका युवा नेता विनोद रोहिताले कुनै पनि संगठनको मेरुदण्ड युवा हरु भएकोले युवा एकता माथि जोड दिदै महिला ,विद्यार्थी ,शिक्षक ,किसान लगायतका संगठन हरुको बिस्तारमा पनि जोड दिए ।

सो भेलामा कार्यक्रममा काली मरिक , अलिहुसेन नदाफ, रुपेश गोइत लगायतका व्यक्तित्वहरुको सहभागीता रहेको थियो । शहिदनगर नगरपालिकामा समाजवादी युवा फोरम गठनका लागि बिजय कुमार यादव र राम चन्द्र यादव सहित २ सदस्यीय निर्वाचन प्रतिनिधि लाई जिम्मेवारी दिएको छ ।