दलितले मुस्लिम युवतिसँग प्रेम गरेपछि वडाध्यक्ष रायले गरे यस्तो कर्तुत

सर्लाही, १३ पुस । सर्लाहीमा एक दलित युवकले मुस्लिम युवतिसँग प्रेम गरेको भन्दै जनप्रतिनीधिहरुले अपहरणशैलीमा लगेर मरनासन्न गरी कुटपिट गरेको छ ।

सर्लाही जिल्लाको ब्रम्हपुरी गाउँपालिका निवासी गगनदेव राम चमारका १८ वर्षिय छोरा जयनाथ राम चमारलाई सोही गाउँकी १७ वर्षिया युवती सलमा बैठा मुस्लिमसँग प्रेम सम्बन्ध राखेको निहुँमा स्थानीय वडाध्यक्षले मर्ने गी कुटपिट गरेको छ । एक अर्का सँग प्रेम सम्बन्धमा बाँधिएका पिडित जयनाथ र सलमा १ महिना सम्म भारतको सितामढी जिल्लामा बसेर केही दिन अगाडि गाउँ फर्किएका थिए ।

उनीहरु गाउँ फर्किएको केही दिन नबित्दै वडा अध्यक्ष श्यामबाबु राय र रघुनाथ रायले अपहरणको शैलीमा पिडित युवकलाई घरबाट उठाउन लगाएर एकान्त बाँसको घारीमा लगेर मरनासन्न हुने गरी कुटपिट गरेका थिए । कुटपिट गरेपछि उनीहरुले उनका बुवा गगनदेव सँग १४ लाख रुपैयाको कपाली तमसुक समेत गराउन लगाएको भन्दै पिडितले जिल्ला प्रहरी कार्यालय सर्लाहीमा दर्ता गराएको उजुरीमा उल्लेख गरिएको छ ।

पीडित बाबुछोराले नेपाल राष्ट्रिय दलित समाज कल्याण सर्लाहीमा न्यायको लागि निवेदन दिएसँगै घटनाका दोषीहरुलाई कारबाहीको माग गदै जिल्ला प्रहरी कार्यालयमा उजुरी दर्ता गरेको संस्थाका अध्यक्ष राजेश पासवानले बताए ।

गैर दलित युवतीसँग प्रेम सम्बन्ध राखेको निहुँमा आफूलाई स्व तथा ठुलो जातीको कहलाउन चाहने जनप्रतिनिधि र गाउँहरुको हातबाट मरनासन्न हुने गरी कुटपिट भएको घटना बाहिरिएको हो । पिडित युवक न्यायको लागि गुहार माग्दै सदरमुकाम मलंगवामा रहेको नेपाल राष्ट्रिय दलित समाज कल्याणको शरणमा पुगी उनीहरुको विरुद्धमा संस्थाको सहयोगमा जिल्ला प्रहरी कार्यालय मलंगवामा उजुरी दर्ता गराएको छ ।

गत पुस ९ गते आफुमाथि घटना घटेपछि संस्थाको सहयोगमा ११ गते जिल्ला प्रहरी कार्यालय मलंगवामा उजुरी दर्ता गराएको पिडित जयनाथले बताए । पीडितका अनुसार घटना घटेको करिब ३ घण्टापछि ब्रम्हपुरी गाउँपालिकाकी उपप्रमुख गिता रायको घरमा बसेर बुवा सँग जबर्जस्ती १४ लाख रुपैयाको कपाली तमसुक गराइएको थियो ।

संस्थाका अध्यक्ष एवं दलितअधिकारकर्मी पासवानले जि प्र कार्यालयमा ११ गते नै घटनाको बारेमा उजुरी दर्ता गराइएको भएपनि हालसम्म घटनाको दोषीलाई पक्राउ नगरेको गुनासो गरे ।

यता, जिल्ला प्रहरी कार्यालय सर्लाहीले यस घटना बारे थप बुझेर जानकारी गराउने प्रतिक्रिया दिए ।

स्रोत : मधेशप्रदेश डट कम