सिद्धार्थको ३७ औँ वार्षिकोत्सव, आश्रमका बच्चालाई 'अनाथ' नभन्न आग्रह

न्यूज ब्यूरो, जनकपुरधाम । करिब ४ दशकदेखि शैक्षिक क्षेत्रमा निरन्तर योग्दान पुरयाउँदै आएको जनकपुरधाम स्थित सिद्धार्थ शिशु सदन ईङगलिस बोर्डिङग स्कूलले आफ्नो ३७ औँ वाषिकोत्सव मनाएको छ ।

शैक्षिक यात्राको ३६ वर्ष पुरा गरी ३७ औँ वर्ष पुरा गरेको अवसरमा विद्यालयले विहिबार जनकपुरधाम स्थित रहेको जानकी वृद्धाश्रम र अनाथ आश्रममा खाद्यान्न वितरण गरेको हो । विद्यालयका प्रिन्सीपल राजु यादवको अगुवाईमा आश्रममा चामल ५० किलो, दाल ५ किलो, चिनी ५ किलो, चियापत्ती २ किलो, बिस्कुट ६६ पैकेट, लुगा धुने साबुन ४४, नुहाउने साबुन २२, टुथपेष्ट २२, ब्रस २२, लगाउने तेल २२ पैकेट, खानेतेल ५ लीटर, ओढने चादर २२ थान र चाउचाउ ४४ थान वितरण गरेको हो ।

प्रत्येक वर्ष वार्षिकोत्सवको अवसरमा विद्यालयले तीन दिवसीय कार्यक्रमको आयोजना गर्दै आएको छ । यसपाली पहिलो दिन विहिबार बिहान प्रभातफेरी गरेको छ । सिद्धार्थ शिशु सदन जनकपुरले निकालेको विशाल प्रभातफेरीमा विद्यार्थीहरुले जनचेतनामुलक प्लेकार्ड विद्यार्थीहरुले बोकेका थिए ।

बेटी बचाउ, बेटी पढाउ, दाइजो प्रथा अन्त्य गरौँ, मानवताको रक्षा गरौ बालबालिकालाई स्कूल पठाउँ , बाल विवाह बन्द गरौँ, हाम्रो पोरख हाम्रो कर, राष्ट्र निर्माणको दिगो भर, जस्ता जनचेतनामुलक नारा लेखिएको प्लेकार्डसहित विद्यार्थीहरुले नगर परिक्रमा गरेको थियो । प्रभातफेरीलाई जनकपुरधाम उपहानगरपालिकाका मेयर लालकिशोर साहले मार्चपास गराएका थिए ।

यस्तै, जनकपुर स्थित कविर वात्सल्य अनाथ आश्रममा समेत खाद्यान्न वितरण गरिएको छ । खाद्यान्न वितरणको क्रममा आश्रमका सँस्थापक सँत कविर आलोकनाथले यस आश्रमका बालबालिकाहरुलाई अनाथ नभन्न आग्रह गरे । समाजमा अनाथ कोही नहोस भन्ने तर्फ सरोकारबालाहरुले अग्रसर हुनु आवश्यकता औल्याउँदै उनले यस आश्रममा आएपछि कोई बालबालिका अनाथ नभएको बताए ।

तीन दिवसीय कार्यक्रम अन्तर्गत शुक्रबार आज विज्ञान प्रदर्शनी, कला प्रदर्शनी र कविता वाचन कार्यक्रम रहेको छ भने भोली शनिबार अन्तिम दिन रक्तदान, स्वास्थ्य परीक्षण र खाद्य मेला कार्यक्रमको आयोजना गरिएको हो । रक्तदान कार्यक्रम विहान ७ बजेदेखि १० बजेसम्म हुनेछ ।

उनले भने, जन्माएर फाल्नु महापाप हो, यसलाई निराकरण नगरेसम्म दर्जनौ आश्रम खुलेपनि त्यसबाट उपलब्धी केही हुने छैन । अवस्था नै यस्तो सृजना गर्नुस की कोई भविष्यमा यो आश्रमको जरुरी नपरोस् र तपाईहरुले यस सँस्थालाई केही दान गर्ने अवस्था नआओस । जबम्म बच्चा फाल्ने कार्य भइरहन्छ तबसम्म जति नी आश्रम खुलेपनि भार थाम्न धौधौ हुनेछ । यस्ता आश्रमको आवश्यकता नै हटाउँदा सुन्दर हुनेछ । शिद्धार्थ शिशु सदनलाई धन्यवाद दिन चाहन्छु ।

राहत वितरणको क्रममा बोल्दै विद्यालयका प्रिन्सीपल राजु यादवले आश्रमका सँचालक सँत कविर आलोकनाथलाई खुलेर प्रशँसा गरे । उनले सडक र झाडीबाट उठाएर अभिभावकत्वको भूमिका निर्वाह गर्दै आएको आलोकप्रति श्रद्धा व्यक्त गर्दै आफूहरुको सहयोग निरन्तर रहने प्रतिवद्धता जाहेर गरे । उनले भने, संत आलोक ज्यू यति ठुलो विरा उठाउनुभएको छ त्यो आफैँमा प्रसंशनसीय र अतुलनीय छ ।

सो कार्यक्रममा विद्यालयका सँचालक शितल यादवले विद्यालयको तर्फबाट अनाथ आश्रमका सँचालक संत आलोकलाई धन्यवाद ज्ञापन गर्दे आश्रमका बच्चाप्रति माया बाँडे । राहत समाग्री बाँडदै उनले आगामी दिनमा सडकमा, झाडीमा बच्चा फाल्ने जस्ता घृणित कार्यलाई परास्त गर्न सबैले आ आफ्नो ठाउँबाट लाग्नुपर्ने बताए ।