सप्तरीका विपन्नलाई सल्हेशको सहयोग

न्यूज ब्यूरो, कत्तार । खाडी मूलूकमा रहेर एक एक पैसा जम्मा गरी सप्तरीका एक विपन्न पीडितलाई युवाहरुको एक समूहले सहयोग गरेको छ ।

सप्तरी जिल्लाको बोडे बर्साईन नगरपालिका वडा नं. २ बस्ने अन्दाजी वर्ष ४५ की ललकु देवी पासवानलाई कत्तार स्थित रहेको सल्हेश सेवा समाजले नेपाली रुपैयाँ ७५ हजार सहयोग गरेको हो । ललकु देवी सहयोग अभियान अन्तर्गत जम्मा गरिएको त्यतिको रकम समाजका पदाधिकारीहरुको रोहबरमा हस्तान्तरण गरिएको हो ।

अल्सर र जोन्डीसबाट पीडित पासवान आर्थिक अभावका कारण उपचार गराउन सकिएकी थिइनन भने उनलाई चिकित्सकले केही दिनमै उपचार नगराए क्यान्सर समेत हुन सक्ने खतरा रहेको बताएपछि सल्हेश सेवा समाज कत्तारले चासो देखाएको थियो ।

समाजको कत्तारमा कार्यरत युवा पदाधिकारीहरुले विभिन्न कम्पनीबाट रकम जम्मा गरेर उनलाई एकमुष्ट ७५ हजार रुपैयाँ सहयोग गरिएको समाजका कोषाध्यक्ष मनोज पासवानले जानकारी दिए । उनका अनुसार, कत्तार स्थित रहेको विभिन्न कम्पनीमा कार्यरत मधेशी मूलका नेपाली युवाहरुले उनलाई सहयोगको लागि सहयोगी हात अघि बढाएका थिए ।

कत्तारको क्यूटिसी कम्पनीबाट केन्द्रिय सल्लाहकार राधेश्याम पासवान र आरटीसी कम्पनीबाट सदस्य प्रमोद पासवान लगायत राम उदगार राम, केन्द्रिय अध्यक्ष दुर्गानन्द पासमानको पहलमा आर्थिक रकम संकलन गरि पुस ३ गते मँगलबारका दिन पीडित परिवारलाई नेपाली ७५ हजार रुपैया हस्तान्तरण गरिएको हो ।

सँस्थाका केन्द्रिय सचीव राजेश पासमान, दलित अधिकारकर्मी तथा पत्रकार दिपेन्द्र पासमानको उपस्थितिमा सहियोग कार्य भएको संस्थाका अध्यक्ष दुर्गानन्द पासमानले थपे ।

सल्हेश सेवा समाजले छुवाछुत, सल्हेशको पौराणिक ईतिहास जगेर्ना, पीडितलाई सहयोग, विपन्नलाई सहयोग जस्ता कार्यहरुमा काम गर्दै आएको छ ।