धनुषामा गुणस्तरी शिक्षाको लागि 'अभिभावक भेला'

न्यूज ब्यूरो, पुस १ गते । समुदायिक विद्यालयको शैक्षिक गुणस्तरियता बढाउनको लागि आईतबार अभिभावकहरुसँग सल्लाह सुझाव लिइएको छ ।

धनुषाको बिदेह नगरपालिका अन्तर्गत गिद्धाबेलापटीस्थित रहेको जनता नमूना प्राविधिक माध्यमिक विद्यालयमा गुणस्तरीय शिक्षाका लागि अभिभावक भेला सम्पन्न भएको हो । भेलामा जनता नमूना प्राविधिक माध्यमिक विद्यालयका प्रिन्सिपल पवन मंडलले विद्यालयले यस वर्षको एस.ई.ई.को परिक्षामा शतप्रतिशत नतिजा ल्याउने दाबी गर्दै यस विद्यालयलाई आफु जिल्लाको नमुना मात्र नभई प्रदेश नं. २ कै नमुना विद्यालयका रुपमा चिनाउने उनले प्रतिवद्धता जनाए ।

बिदेह नगरपालिका वडा नं. ६ का वडा अध्यक्ष जयराम मंडलको अध्यक्षतामा तथा बिदेह नगरपालिकाका मेयर बेचन दासको प्रमुख आतिथ्यमा सम्पन्न अभिभावक भेलामा विद्यार्थीका अभिभावकहरुले शैक्षिक अवस्था सुधार र खाँचोप्रति ध्यानाकर्षण गराएका थिए । विद्यालयको हरहिसाब पार्दर्शी तथा सरकारको सुविधा कटौती गरी निजी प्रयोजनमा लागेको आरोप अभिभावकहरुले पोखेका थिए ।

विद्यालयमा व्यवस्थापन समिति र प्रधानाध्यापक मिलेर विद्यालयको स्रोत साधन सहित बजेट रकम अपारदर्शी राख्दै आएको आरोप लगाइएको छ ।

कार्यक्रममा प्रमुख अतिथिको आसनबाट बोल्दै बिदेह नगरपालिकाका मेयर बेचन दासले गुणस्तरीय शिक्षाका लागि अभिभावकहरु समेत अग्रसरता देखाउनुपर्नेमा जोड दिए । उनले शिक्षकहरुलाई इमान्दार र लगनशील भएर काम गर्न आग्रह गरे । विद्यालयको हिसाब किताब पारदर्शी बनाउन विद्यालय प्रशासनलाई सुझाव दिए । केही दिनभित्र जनता नमूना प्राविधिक माध्यमिक विद्यालयमा अनमीदेखि लिएर स्नातकोत्तरसम्मको अध्यापनको व्यवस्थापन मिलाउने उनले प्रतिवद्धता व्यक्त गरे ।

प्राविधिक शिक्षा सँचालन गरेर उक्त क्षेत्रमा शैक्षिक गुणस्तरियताको नाममा विद्यार्थीहरुबाट अवैद्य रकम समेत असुली गरेको पूर्व क्रियाकलाप र मुद्दाहरु उपर अभिभावकहरुले ध्यानाकर्षण गराएका थिए भने विद्यालय कर्मचारीहरुले त्यसको स्पष्टोक्ति दिएका थिए ।

विद्यालय विकासको लागि आएको विभिन्न शिर्षकका बजेटहरुलाई पार्दर्शी नगरेको भन्दै अभिभावकहरुले विद्यालयका प्रिन्सीपल पवन मण्डलले झवाम्म पार्दै गएको आरोपहरु लगाउँदै आएको देखिन्छ । यद्यपी यस्ता आरोपहरु बारे अभिभावक भेलामा भने चर्चा गरिएको थिएनन् ।

कार्यक्रममा पुर्व सभासद रामअवतार पासवान , पुर्व प्राधायापक रामसागर पंडित , राजपाका केन्द्रिय सदस्य संजय चौघरी, जनता नमूना प्राविधिक माध्यमिक विद्यालयका प्रिन्सिपल पवन मंडल , मदन कुमार मंडल , कुलदेव यादव , चन्दन रजक , सुमन सिंह , ब्रहमदेव यादव , बेचन मंडल , प्रमोद मंडल , शिवनारायण पासवान , रामसागर महतो , सुदर्शन झा , दिनकर यादव , रामबरण मंडल, गंगाप्रसाद मण्डल ,किशोर मण्डल, सहितका व्यतिmहरुको उपस्थिति रहेको थियो ।