न्यूज ब्यूरो प्रभाव : अहासयलाई अस्पताल भर्ना गर्न मन्त्रीको ठाडो आदेश !

न्यूज ब्यूरो, जनकपुरधाम । पूर्व पश्चिम राजमार्ग अन्तर्गत धनुषाको मालटोलमा विगत केही दिनदेखि सडकपेटीमा पीडामय जीवन विताइरहेका एक असहायलाई अस्पताल भर्ना गरिएको छ ।

न्यूज ब्यूरोमा गत मँसिर १६ गते आईतबार मात्र राजमागर्मा असहायको कष्टर जीवन शिर्षकको समाचार आएपछि प्रदेश नं. २ को आन्तरिक मामिला तथा कानुन मन्त्रालयले उपचारको जिम्मा लिएका छन् ।

आन्तरिक मामिला तथा कानुनमन्त्री ज्ञानेन्द्र कुमार यादवले न्यूज ब्यूरोमा प्रकाशित समाचार उपर एक्सन लिंदै ती असहाय व्यक्तिलाई शिघ्र अस्पताल पुरयाउन व्यवस्था मिलाएका थिए ।

मन्त्री यादवले जिल्ला प्रहरी कार्यालय धनुषाका एसपी गोविन्द थपलिया मार्फत एम्बुलेन्स पठाएर उनलाई सडक पेटीबाट ल्याएर जनकपुर अञ्चल अस्पतालमा उपचारको लागि भर्ना गरिएको छ ।

कानुमन्त्री यादवका स्वकीय सचिव महेश रायले न्यूज ब्यूरोसँग भने , "मन्त्री ज्यूले ती असहाय व्यक्तिलाई शिघ्र उपचारको लागि ठाडो आदेश दिएपछि उनलाई एम्बुलेन्सको व्यवस्था मिलाएर अस्पताल भर्ना गरिएको छ ।"

विगत केही दिनदेखि पूर्व पश्चिम राजमार्ग अन्तर्गतको धनुषाधाम नगरपालिका वडा नं. ६ मालटोल स्थित राजमार्गके पेटीमा एउटा कम्बलको भरमा पीडामय जीवन व्ययतित गरिरहेका थिए ।

बोल्न नसक्ने ती व्यक्तिको दुवै खुट्टा कामको शिलशिलामा फ्याक्चर भएकोले हिडन नसक्ने भएपछि परिवारजनले उनलाई बेबारिसे अवस्था फालेको हुन सक्ने अनुमान गरिएको छ ।

असहाय संरक्षण मँचका अध्यक्ष बैद्यनाथ साहको सहयोगमा उनलाई जनकपुर अञ्चल अस्पतालसम्म पुरयाइएको हो । अहासयको सहयोगको लागि अग्रसर साहले समेत एम्बुलेन्सको लागि पहल गरेर उनलाई अस्पताल भर्ना गराएका छन् भने अहिले उनको निगरानी भने साह नै गरिरहेका छन् ।

समाजसेवी समेत रहेका साहले तत्कालै एम्बुलेन्सको लागि रकम सहयोग गरेका थिए भने विरामी असहाय व्यक्तिलाई नयाँ कपडा समेत उनले नै किनदिए ।

बोल्न पनि नसकिने ती व्यक्तिको नाम, थर र वतन उपचारपछि निको पश्चात मात्र थाहा हुने जनाइएको छ ।

स्थानीय सँचारकर्मी राम हृदय यादव, संघीय समाजवादी फोरमका जिल्ला सदस्य राम पुकार यादव, सँचारकर्मी सागर वीर कडारी सहितले ती व्यक्तिलाई अस्पतालसम्म पुरयाउन सहयोग गरेका हुन् ।

यस सम्बन्धी प्रथम समाचार

राजमागर्मा असहायको कष्टर जीवन