धनुषाधाम प्रहरीद्धारा ५०० लिटर मदिरा नष्ट

विनय कुमार यादव, धनुषा । धनुषा प्रहरीले सोमबार भारी परिमाणको अवैद्य घरेलु मदिरा नष्ट गरेको छ ।

धनुषाको ईलाका प्रहरी कार्यलय धनुषाधाम प्रहरीले विभिन्न समयमा चेकजाँच गर्ने क्रममा बरामद गरेको अबैद्य मदिरा सार्वजनिक रुपमा नष्ट गरिएको हो ।

घरेलु मदिरा सेवनका कारण केही महिना अघि मात्र पूर्वी धनुषाको कमला नगरपालिकामा ५ जनाको एकैसाथ मृत्यू भएपछि धनुषा प्रहरी एक्सनमा आएको र यस्ता जहरिला मदिरा नियन्त्रण गर्ने ईलाका प्रहरी कार्यालय धनुषाधामका प्रहरी ईन्चार्ज एवम् ईन्सपेक्टर अमिर कुमार दाहालले बताए ।

धनुषाधाम नगरपालिका वडा नं. १ का वडाध्यक्ष बिश्वनाथ यादव, २ का प्रभु नारायण साह , ३ का राज किशोर साह, ४ का रामपरिक्षण यादव, धनुषाधाम प्राथमिक स्वाथ्य केन्द्र इन्चार्ज प्रेमराज सागर , चिकित्सक रामकृष्ण यादव लगायत स्थानीय व्यापारी सुर्यनाथ यादव, धनुष जनता मा बि प्रधानध्यापक राजेन्द्र साह , बुद्धिजीवी समाजसेवी तथा सँचारकर्मीको रोहबरमा उक्त परिमाणको अवैद्य घरेलु मदिरा नष्ट गरिएको हो ।