हिन्दुत्व रक्षाको लागि १०१ भक्तको परिक्रमा र रयाली

न्यूज ब्यूरो, जनकपुरधाम । हिन्दु धर्म रक्षा हेतु धनुषामा दुर्गा आरती समिति सबैलाले परिक्रमा र रयाली गरेका छन् ।

धनुषाको सबैला नगरपालिकाको सबैला बजारमै रहेको प्रसिद्ध दुर्गा मन्दिरको दुर्गा आरती समितिले सबैला नगर सहित अन्य विभिन्न धार्मिक स्थलहरुको दर्शन र परिक्रमा गरेका हुन् ।अक्षय नवमीको अवसरमा स्थानीय जनशक्ति युवा क्लबको आयोजनमा हिन्दु धर्म जागरणको लागि उक्त मोटरसाईकल रयाली गरेको हो ।

५५ वटा मोटरसाईकलमा १०१ हिन्दुवादीहरुले झण्डा सहित विभिन्न धार्मिक स्थलको परिक्रमा गरेको क्लबका अध्यक्ष सरोज कुमार नायकले जानकारी दिए ।हिन्दु धर्म जागरण तथा यस कार्यक्रमको सँस्थापक राजु गुप्ताले विहान ४ बजे दुर्गा मन्दिरबाट प्रस्थान गरेको धार्मिक लस्करको टोली बेलुका ७ बजे सबैला दुर्गा मन्दिरमा पुगेर सन्ध्या आरतीमा सहभागीता जनाउने कार्यक्रम रहेको छ ।

धार्मिक लस्करले धनुषाको धनुषाधाममा सामुहिक भोजन कार्यक्रम सम्पन्न गरेर पुन सबैलाकै लागि प्रस्थान गरेको जनाइएको छ । अबदेखि प्रत्येक वर्ष अक्षय नवमीको अवसरमा हिन्दु धर्म जागरण अभियानलाई निरन्तरता दिइने सँस्थापक गुप्ताले जनाए ।