३०० मुसहर बालबालिकालाई पाठय्पुस्तक

न्यूज ब्यूरो, महोत्तरी । महोत्तरीमा एक कार्यक्रमबीच मुसहर समुदायका ३०० बालबालिकाहरुलाई पाठ्यपूस्तक वितरण गरिएको छ ।

महोत्तरीको सीतापुर भँगहामा मुसहर तथा गरिब बालबालिकाहरुलाई स्थानीय सबरी माता मुसहर एकता समाज सेवा नेपालले उनीहरुको अध्ययन अध्ययापनको लागि स्टेशनरी प्रदान गरेका हुन् ।

कक्षा १ देखि ८ सम्म पढने मुसहर समुदाय तथा गरिब, विपन्न, अल्पसँख्यक, सीमान्तकृत समुदायका बालबालिकाहरुलाई क्लब मार्फत सहयोग गरिएको हो ।
स्थानीय बुद्धिजीवी, मुसहर समाज, युवाहरुको रोहबरमा बालबालिकाहरुलाई पाठ्यपुस्तक प्रदान गरिएको हो ।

स्थानीय अरुण सदाको अध्यक्षतामा भएको उक्त कार्यक्रमबीच ३०० बालबालिकाहरुलाई स्टेशनरी प्रदान गर्दै विद्यालयसम्मको पहुँचमा निरन्तरता दिइने आवश्वासन समेत दिलाएको उद्घोषक प्रमोद सदाले बताए । कापी, कलम, पेन्सिल पाएपछि बालबालिकाहरुमा उत्साह र खुसीपना देखिएको थियो ।