अरुको श्रीमतिसँग अनैतिक सम्बन्ध राखेको भन्दै गाउँलेद्धारा 'चुनाटीका'

न्यूज ब्यूरो, जलेश्वर । अरुको श्रीमतिसँग सम्बन्धको भन्दै महोत्तरीमा एक युवकलाई गाउँलेहरुले समाजिक दण्ड दिएका छन् ।

महोत्तरी जिल्लाको एकडारा गाउँपालिका वडा नं. १ मा अरुको श्रीमतिसँग अनैतिक सम्बन्ध राखेको भन्दै एक युवकलाई आधी कपाल काटेर गाउँ परिक्रममा गराएको छ । स्थानीय चन्देश्वर मण्डलको अन्दाजी बर्ष ३० को छोरा दीलिप मण्डलले छिमेककै एक बुहारीलाई विभिन्न प्रलोभन दिँदै अनैतिक सम्बन्ध राख्दै आएपछि सोमबार विहान स्थानीय केही युवाहरुले रँगेहात्त घरमै पक्राउ गरेपछि यस्तो सजाय दिएको हो ।

स्थानीय युवाहरुले दिलीपलाई रँगेहात आपत्तिजनक अवस्थामै पक्राउ गरेर समाजमा ल्याएको बताइएको छ । स्थानीयहरुले उनलाई चुनाको टीका, जुत्ताचप्पलको माला लगाएर गाउँ घुमाउँदै समाजिक दण्ड दिएका हुन् ।

मण्डल आफैँ विवाहित रहेका छन् भने उनको चार छोराछोरी समेत रहेका छन् ।