एक महिलाको घर बनाउन मधेसी महिलाको सहयोग

न्यूज ब्यूरो, जनकपुरधाम । धनुषाको देवपुरा रुपैठाकी एक एकल महिलालाई घर मर्मतको लागि मधेसी महिला समाजले आर्थिक सहयोग गरेको छ ।

सोमबार विहान रुपैठा बस्ने कान्ती देवीलाई समाजकी रिना साहद्धारा १५ हजार रुपैयाँ घर मर्मतको लागि प्रदान गरिएको हो । वृद्ध महिला आफ्ना ४ नातीका साथ कष्टकर जीवन विताइरहेको भन्दै असहाय संरक्षण मँचको अगुवाईमा मधेशी महिला समाज काठमांडूकी अध्यक्ष रिना साहद्धारा घर मर्मतको लागि १५ हजार रुपैयाँ सहयोग गरिएको हो ।

असहाय संरक्षण मँचका अध्यक्ष एवम् समाजसेवी बैद्यनाथ साहको अगुवाई एकल महिलालाई जाडोको लागि मोटो कपडा समेत प्रदान गरिएको छ भने आउने दिनमा समेत लुगा कपडा सहयोग गरिने जनाइएको छ ।

समाज र मँचको सहयोग पाएपछि कान्ती देवी निकै खुसी देखिइन् ।