अपडेट : बालिका उपर सामुहिक बलात्कारपछि हत्या, दुई पक्राउ !

न्यूज ब्यूरो, जनकपुरधाम । धनुषाको परवाहामा शनिबार भएको घटनामा सँलग्न दुई जनालाई प्रहरीले गिरफ्तार गरेको छ ।

धनुषाको औरही गाउँपालिका वडा नं. २ परवाहा बस्ने राम अशिष यादवकी अन्दाजी १० बर्षिय छोरी मनिता यादवको बलात्कारपछि हत्या गरिएको रहस्य खुलेको छ । यसअघि प्रहरीले शनिबार दिउँसो गाउँ नजिकैको धानबालीबाट मनिताको शव निर्वस्त्र अवस्थामा फेला पारेको हो ।

दसैँमा दुर्गा मन्दिरमा पूजाआजा गर्न गएकी मनितालाई स्थानीय ३२ बर्षिय विनोद मुखिया र २३ बर्षिय नथुनी पण्डितले हवसको शिकार बनाएको प्रहरीले जनाएको छ ।

यस सम्बन्धि पहिलो समाचार

धनुषामा १० बर्षिय बालिकाको शव धानबालीमा, बलात्कार भएको आशंका !

शुक्रबार राती दुर्गा मन्दिरमा पूजा गर्न मनिता आफ्ना आमाबुवा सँगै गएकी थिईन् । उनको आमावुवा आएपनि मनिता भने पूजाको रमाईलो हेर्न बसिराखेको जनाइएको छ । उनको आमावुवा घर आएपछि पनि मनिता घर अबेर रातीसम्म नआएपछि शनिबार विहान प्रहरीमा रिपोर्ट लेखाएको थियो ।

छोरी राती देखि नै हराएको भन्दै अन्नपानी समेत नखाएका यादव परिवारले दिउँसो छोरीको नग्न मृत शरिर धानबालीमा देखेपछि बेहोस भए ।
जानकारी अनुसार, राती मनिता अबेरसम्म दुर्गा मन्दिर प्राङगनमै रहेको तथा घर आउन थालेपछि बाटोबाटै दुवै अभियुक्त उठाएर केही पर लगी सामुहिक बलात्कार गरी हत्या गरिएको हो ।

दुवै अभियुक्तलाई शंकाको आधारमा पक्राउ गरेर प्रहरीले अनुसन्धान तीव्र पारेका छन् भने पोष्टमार्टम तथा अनुसन्धानपछि थप रहस्य खुल्ने जानकारी प्रहरीले दिएको छ ।